Joel 2:20 - সান্তালী বাইবেল

²⁰ “Utạr secʼ khon hijukʼkan lạṛhại phạdko do ape ṭhen khoniń sạṅgiń giḍikakoa; khaṅgoṭ ar jarkhar akan hahaṅkar jaega secʼ iń laga ńirkoa. Onko samaṅ secʼrenko do purub jalapurire ar onko tayom secʼrenko do pạchim jalapuriteń lagakoa. Onkoakʼ bạṛicʼ so do cetante rakapʼa ar seage so oḍokokʼa, ente onkoakʼ kạmi do bạḍạite perecʼge takoa.”

Joel 2:20 Iomraidhean Croise

2 Rapajko 8:13

Unre Hosaele menkeda, “Iń amren golam iń seta doń celekante nonkan dil reakʼ iń kạmi daṛekea?” Elisaeye menkeda, “Amge Aramren rajem hoyokʼ onage Probhu Isor do ińe ńel ocoakadińạ.”

Sereńko 126:3

Probhu Isor do abo lạgitʼ bhageakʼe kạmi akada, onatebon rạskạkʼ kana.

Exodus 10:19

Ar onate Probhu Isor do hoeye ạcur ocokeda ar pạchim khon mitʼṭecʼ kajak hoeye ạguketʼte pohokoe oṭaṅ idiketʼkoa ar arakʼ jalapurireye khadlekatʼkoa. Onkate goṭa Misor disạmre ar mitʼṭen poho hõ bako tahẽlena.

Exodus 8:14

Ar hoṛko do onkoko jarwaketʼkoa ar onate disạmre ạḍi bạṛicʼ so rakapʼena.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jeheskel 47:18

Purub secʼ reakʼ simạna Haoran ar Damesek talate Gilead ar Israel disạm tala reakʼ jordan gaḍa secʼte senkate doreão hạbicʼ. Ar noage hoyokʼa purub secʼ reakʼ simạna do.

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.

Dosar Biboron 11:24

Dạkhin reakʼ hahaṅkar khon Lebanon hạbicʼ ar Phurạt gaḍa khon jalapuri hạbicʼ jãhãrege jaṅga talkape dohoy onage apeakʼ hoyokʼa.