Joel 2:2 - সান্তালী বাইবেল

² Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Joel 2:2 Iomraidhean Croise

Sereńko 10:6

Uni do mone moneteye meneda, “Nonkanakʼ cetʼge bạnukʼa one onate ińe dalhao daṛeạń; ar ińakʼ muskil do tishõ baṅ hoyokʼa.”

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Exodus 10:14

Noate goṭa Misor disạm cetanre alekha pohoko do hecʼkateko apʼena. Ar noa lahare nunạkʼ poho do ar tishõ bako ńelakan tahẽkana, ar tishõ bako ńelokʼa.

Exodus 10:6

Ona tayom am ar amren sanam kạmiyạko ar eṭakʼ sanam Misrikoakʼ oṛakʼ-duạr do onko pohokote perejokʼa. Noa disạmte hecʼ tayom amren baba-haṛam ar onkoren hapṛamko hõ nonka do tishõ bako ńelakada.’ ” Ar noa katha roṛ tayom Mose doe ạcurente Pharao ṭhen khone calaoena.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jirimiạ 13:6

Ona ḍher din tayom Probhu Isore metadińạ,, “Am do ńitokʼ phurạt gaḍa ṭhen calakʼme ar onḍe okaṭakʼ jhaṅga oko dohokakʼ iń metakʼme tahẽkan ona ạguiyme.”

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Jeheskel 32:7

Am sesme jokhecʼ rimil doń dapal esetʼkakʼa ar ipilkoń ńutkoa; rimilte siń candoń dapal esedea ar ńindạ cando do marsal bae emokʼa.

Jeheskel 34:12

Gukʼpiyicʼ cetʼ leka acʼren pasnao akan palrenkoe tolasko onkage ińren bhiḍi hõń tolaskoa. Rimil ar ńut reakʼ dinre oka ṭhạ̃ikoreko pasnao akan iń do onḍe khoniń bańcao ạgukoa.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Joel 1:6

Mitʼ jạtrenko do ińakʼ disạmko akromon akada; onko doko daṛeangea ar onkoren lạṛhại phạdko do alekha. Onkoakʼ ḍaṭa do dhạcri kulakʼ ḍaṭa leka ar onkoakʼ laser ḍaṭa do kul eṅgawakʼ jambe ḍaṭa leka.

Joel 2:25

Probhu Isore menetʼkana, “Ińren maraṅ lạṛhại phạdko okoe do ape ṭheniń kolletʼko metakʼme jhãke jhãk pohoko, jaljalte jojom pohoko, dodonkan pohoko ar rehetʼ jojom pohoko ar jom ṭhuṭkutʼ pohoko tinạkʼ bochor hạbicʼ apeakʼ phosolko jomakatʼ ona doń sodkatapea.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Joel 2:5

Rãt gạḍi reakʼ sabad leka, lanḍha jolokʼkan seṅgel reakʼ saḍe leka onko do buru cetanteko don hijukʼa. Onko do lạṛhại lạgitʼ sajao akan mitʼ dol daṛean lạṛhại phạdko lekage.

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.

Sakariạ 14:6

Enhilokʼ jãhãn marsalge baṅ tahena, siń cando ar ńindạ cando dokin ńutokʼa.

Mathae 24:21

Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoyakan ar tisge baṅ hoyokʼa.

Mark 13:19

ente unre nonkan santaoko hoyokʼa one oka do dhạrti sirjạu khon ńit hạbicʼ baṅ hoyakan ar ona tayom do ar baṅ hoyokʼa.

Dosar Biboron 32:7

“Sedaeakʼ ona dinko reakʼ katha disạipe; aperen ḍher din laharen hapṛamkoakʼ kathako baṛe hudispe. Onako din reakʼ kathako aperen apatko ṭhen kulijoṅpe, onko do apeko lạiyapea; ar haṛam hoṛko kulikope, onko do apeko bujhạuapea.

Ibriko 12:18

Okaṭakʼ jolokʼkan buru joṭetʼ daṛekokʼ ona lekan buru ṭhen do bape hecʼakana. Ape do kaṛaṅ kucạṅ ńut ar birbão se jãhãn sakwa reakʼ saḍe ar katha reakʼ aṛaṅ ṭhen hõ bape hecʼakana.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Johan sodor 9:2

Khan uni ipil do ona athan kunḍe jhicʼkeda; ar maraṅ okocʼ culhạ khon dhũạ oḍokokʼ leka, ona kunḍ khon dhũạ oḍokokʼ ehopʼena. Ona kunḍ reakʼ dhũạte siń cando ar serma do ńutena,