Joel 2:17 - সান্তালী বাইবেল

¹⁷ Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”

Joel 2:17 Iomraidhean Croise

1 Rapajko 6:3

Mundil reakʼ asolakʼ kandha samaṅre okaṭakʼ pinḍạ tahẽkan ona do oṛakʼ reakʼ jokha lekate bargel moka osar ar oṛakʼ samaṅ secʼ khon ona reakʼ jeleńtetʼ do gel moka tahẽkana.

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

2 Bõsbudạ 7:20

enḍekhan iń okaṭakʼ disạmiń emakawatʼpe ona khon rehetʼ sudhạń totʼ giḍikapea ar iń ńutumte okaṭakʼ koejoṅ oṛakʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre sanam jạtrenko ṭhen ona oṛakʼ do landa-dhutʼakʼ iń hoeocoya.

2 Bõsbudạ 8:12

Koejoṅ oṛakʼ reakʼ pinḍạ samaṅre Solomon do Probhu Isorakʼ oka pinḍe benaoletʼ tahẽkan ona cetanre Probhu Isorakʼ ńutumte jeredokʼ samaṅokʼakʼ porobe porobokʼkan tahẽkana.

Nehemiạ 9:36

“Ńelme, teheń ale do golam kanale, ar okaṭakʼ disạm do aleren hapṛamkom ematʼko tahẽkan onḍe jemon onko do jo ar joto lekan bhage jinisko jom daṛeakʼ menkhan ale do onḍege golamkole hoyakana.

Sereńko 115:2

Eṭakʼ jạtrenko do cedakʼko mena, “Okare menaea onkoren Isor do?”

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Sereńko 42:11

E ińakʼ jiwi, cedakʼ am dom be asokʼkana? Cedakʼ nunạkʼ dom cońcol akana? Isorre bhorsa dohoyme, ente uni do arhõń sarhaoea; uni do ińren babańcaoicʼ ar ińren Isor kanae.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Sereńko 89:41

Ar uniyakʼ disạm aṛeteko parom calakʼ hoṛ do jotowakʼko luṭ iditaea; ar acʼ aḍepase jạtrenko ṭhen do landa dhutʼicʼe hoyakana.

Sereńko 89:51

E Probhu Isor, amren bạirikoge ona doko henosta akada; ar amren ojokʼicʼ hoṛ hõ uniyakʼ sanam taṛam pańjare.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:9

Probhu Isorakʼ oṛakʼ khon jomakʼ samaṅokʼakʼ ar coḍor samaṅokʼakʼ porob do sahaṛ akana. Okoe Probhu Isorko sewawae kan tahẽkan onko naekeko doko homor halaṅeda.

Amos 7:2

Onko do tinre disạm reakʼ hạriạṛ dare sakamko jom cabakeda unre iń do nehõrkateń menkeda, “E Probhu Isor, ikạkakome baṛe. Jakob do cekateye teṅgo ruạṛokʼa? Uni ma coṅ ạḍiye huḍińge.”

Amos 7:5

Unre iń do nehõrenteń menkeda, “E Probhu Isor, nehõramkạnạń ma thirokʼme. Jakob do cekateye teṅgo ṭarhaokʼa? Uni ma coṅe huḍińge.”

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Mathae 27:43

Uni do Isorreye bhorsa akana; ńitokʼ Isor unire kusiye tahen khan enḍekhane bańcaoema. Uni ma apnarte Isorren Hopone ńumugokʼ kan tahẽkana.”

Dosar Biboron 28:37

Probhu Isor okoe jạtrenko talareye chirchạturpe onko do apeakʼ ona ńelte botorteko keklesedokʼa, ar ape do landa-dhutʼ ar cigạri baragpe hoyokʼa.

Dosar Biboron 32:27

Menkhan iń doń baḍaekan tahẽkana bạiriko do bạḍạiteko perejokʼa ar begor bujhạuteko roṛa baṅma onkoakʼge jitạu do hoyakana; Probhu Isor do noako reakʼ cetʼge bae ceka akada.”

Josuạ 7:9

Kananiko ar niạ disạmren eṭakʼ hoṛko niạ katha ańjomkate aleko gherao esetʼlea ar dhạrti khon aleakʼ ńutumko meṭao utạrtalea. Ar inạ tayom do cekate amakʼ ńutumem rukhiyại tama?”