Joel 2:16 - সান্তালী বাইবেল

¹⁶ ar hoṛko jarwakate Isor ńutumte begar dohokope; murubbiko mitʼ jaegare hoho jarwakope, toa ńuńuko ar gidrạko hõ jarwakope. Jãwãe ar bạhu kuṛi do ạkinakʼ aṭetʼkin bạgi oṭowakʼma.

Joel 2:16 Iomraidhean Croise

2 Bõsbudạ 20:13

Unre Jihudạren sanam hoṛko do akoren maejiuko, hoponko, hoponerako ar gidrạko salakʼ Probhu Isor samaṅreko teṅgo akan tahẽkana.

2 Bõsbudạ 29:5

“E Liwiko, ińakʼ katha ańjompe; ape do apnarren ar aperen hapṛamkoren Probhu Isorakʼ oṛakʼ saphaepe. Niạ sonot jaega khon sanam besapha jinisko sạṅgiń giḍikakʼpe.

2 Bõsbudạ 30:17

Unr hoṛko modren ḍherkoge apnartetʼ bako sapha akan tahẽkana. Onate onko lạgitʼ Probhu Isor ńutumte samaṅokʼ lạgitʼ bańcaokʼ porobren bheḍa hopon do Liwikoge gur lagaoatʼkoa.

2 Bõsbudạ 35:6

Ape do bańcaokʼ porobren bheḍako gurkate sapha maṛaṅokʼpe ar Mose hotete emakʼ Probhu Isorakʼ hukum leka ape jạtren hoṛko jemon bańcaokʼ porobko porob daṛeakʼ ona bebostaepe.”

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Sereńko 19:5

uni do jãwãe beṭa leka bapla oṛakʼ khone oḍokʼ hijukʼa, ar niṭ akatʼ horteye dạṛ idite enecʼkan birbão hoṛ leka ạḍiye kusikʼa;

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Exodus 19:15

Ona tayom Mose do onkoe metatʼkoa, “Tesar hilokʼ lạgitʼ sapṛaokʼpe. Ar niạ oktre okoe hõ aperen bạhu tulucʼ do alope giticʼmidokʼa.”

Exodus 19:22

Ar Probhu Isor ṭhenko sorokʼkan naekeko hõko saphakʼma. Ar bako saphakʼ khan Probhu Isor do kajak sạjạiye emakoa.”

Joel 1:14

Ape do sonot upạs reakʼ bebostaepe; mitʼṭecʼ sabha baṛe hoeocoype. Murubbiko ar disạmre girobasokʼ kan sanamko aperen Probhu Isorakʼ oṛakʼre hoho ạgukope ar Probhu Isor ṭhen rakʼ joṅpe.

Mathae 21:16

Ar noako ńelteko ạṛisente onko do Jisuko metadea, “Onkoko menetʼkan ona do cetʼem ańjometʼgea?” Jisui metatʼkoa, “Hẽ, ańjometʼ kangeạń. Menkhan Sostorre cetʼ tishõ bape paṛhao akada: Bale gidrạko ar toa nunuko reakʼ moca khon, am do apnar lạgitʼ sarhaoem tear sạbitana?”

Mathae 9:15

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din begarre tahẽ hataṛokʼpe; ona tayom do ar hõ mitʼ ruạṛokʼpe jemon apeakʼ bin sambṛaokʼ iạte Soetan aloe biḍạupe.

Josuạ 7:13

“Am do senkate iń ńutumte hoṛko begarkom. Arem metakoa onko jemon gapa lạgitʼ apnartetʼ sapha akanko tahen ma. Israelkoren Probhu Isore meneda, ‘E Israel, ape modren nonkanakʼ jinis menakʼa one okaṭakʼ do ḍahao maraokʼ sarapanakʼ tabe reakʼ kan. Onako ape tala khon ạuripe oḍok giḍikakʼ hạbicʼ aperen bạiriko samaṅre bape teṅgo daṛeakʼa.

Josuạ 8:35

Noa babotre Mose okako hukume emlen ona reakʼ mitʼṭecʼ hõ Josuạ do bae badleda goṭa Israel somajrenge onae paṛhao ańjomatʼkoa. Niạ somajre do maejiuko, gidrạko ar onko talareko girobasokʼkan eṭakʼ jạtrenko hõko tahẽkana.

1 Samuel 16:5

Sạmuele roṛ ruạṛkeda, “Hẽ, iń do suluk montegeń hecʼakana. Iń do Probhu Isor ńutumte janwar samaṅokʼakʼ lạgitʼgeń hecʼakana. Ape do sonotokʼpe iń sãote niạ samaṅokʼakʼre seledokʼpe.” Niạ menkate uni do Jisại ar uniren hoponkoe sonot ocoketʼkoa ar ona samaṅokʼakʼre seledokʼ lạgitʼe neotaketʼkoa.