Joel 2:12 - সান্তালী বাইবেল

¹² Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Joel 2:12 Iomraidhean Croise

2 Samuel 24:10

Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”

2 Bõsbudạ 30:6

Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.

2 Bõsbudạ 6:27

enḍekhan am do serma khon ona ańjomtakome ar amren gutiko, metatʼme amren hoṛ Israelkoakʼ kại ikạ katakom. Ar jionre ṭhik leka calakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ńur ocoyme.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Exodus 33:5

ente Probhu Iso do Moseye metade tahẽkana, “Israelkom metakoa, onko do, mitʼṭecʼ keṭecʼ hoṭokʼan jạtren kanako mente. Onate mitʼ ghạṛi hõ onko sãoteń tahen, enḍekhan onko doń marao utạrkoa. Ar ńit onkoakʼ hoṛmore okako abhran menakʼ onako totʼ giḍikakʼma. Ar ona tayom iń hudisa onkore cetʼ iń cekaea mente.”

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 58:4

Ńelpe jhogṛa ar reṭepeṭe lạgitʼgepe upạseda arpe kuhạukʼ kana. Nonkan upạs do apeakʼ aṛaṅ coṭte bae ańjom ocoytapea.

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jirimiạ 4:1

Probhu Isore meneda, “E Israel, ruạṛ hijukʼem menetʼ khan iń ṭhenge ruạṛme. Ińakʼ mẽtʼãhã samaṅ khon amren hirkhạwan boṅga murhutʼkom sạṅgiń giḍikako ar bạṛicʼ horte bam senokʼ,

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Daniel 9:3

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Hosea 12:6

Ńitokʼ do E Jakob bõsren hoṛko, aperen Isor ṭhen ruạṛ hijukʼpe; pạtiạranko hoyokʼpe, dhorom reakʼ bicạrpe ar sanam ghuṛi aperen Isor lạgitʼ koyokʼ horre tahenpe.

Hosea 12:7

Probhu Isore meneda, “Bepari Ephrayim do ṭhok reakʼ tulạgeye beoharetʼkana; uni do julumgeye kusiyakʼkana.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”

Sakariạ 7:5

“Am do disạmren sanam hoṛ ar naekekom metakoa, ‘ape do eaegel bochor khon mõṛẽ ar eaeakʼ candore okape homor halaṅetʼ tahẽkan arpe upạsetʼ tahẽkan ona do Probhu Isor ńutumte do bape onka akada.

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Bikʼcạrko 2:4

Probhu Isorren goḍet do tinre Israelko ṭhen niạko kathae menkeda unre onko do ãṭ aṛaṅte rarakʼko ehopʼena.

Bikʼcạrko 20:26

Unre Israelren sanam hoṛ do arhõ Bethelte senkate Probhu Isor samaṅre duṛupʼkate rarakʼko ehopʼena. Enhilokʼ onko do ạyupʼ hạbicʼko upạskeda ar Probhu Isor ńutumte jeredokʼ ar sulukren samaṅokʼakʼko samaṅkeda.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.