Joel 2:11 - সান্তালী বাইবেল

¹¹ Probhu Isor do acʼren lạṛhại phạdko laha lahate acʼakʼ ãṭ aṛaṅe ańjom ocoytaea; uniren lạṛhại phạdko do lekhate ohoko caba daṛelena ar okoe uniyakʼ hukumko senakʼkan onko doko daṛeanko kana. Probhu Isorakʼ din do maraṅ ar ạḍi botorangea; okoe ona doe sahao daṛekea?

Joel 2:11 Iomraidhean Croise

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 68:18

Tinre am do sermatem rakapʼena unre lạṛhại kạidikom idiketʼkoa. Ar hoṛko talare, teṅgo daramko talare tahen jokhecʼ am ṭhen do ạḍi utạr dan hecʼlena, jemon am do, E Probhu Isor, onko talarem tahẽ daṛeakʼ.

Jesaea 13:4

Ańjompe, buru boṭkocʼ cetanre ḍher hoṛkoakʼ sabadge ańjomokʼ kana. Ańjompe, sanam jạtren ar rajosṭiren hoṛ do jarwa mitʼkateko gulmaletʼkana. Phạdkoren Probhu Isor do lạṛhại lạgitʼ phạdkoe sajaoetʼkoa.

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

Jesaea 7:18

Enhilokʼ Probhu Isor do Misor disạm reakʼ sạṅgiń gaḍako khon rõ ar Ạsur disạm khon dumurkoe gol ạgukoa.

Jirimiạ 25:30

“Ńitokʼ am do onko upạrte nạbi lekate noako katha roṛme, ‘Probhu Isor do cetan khone hạnḍrạua; ar acʼakʼ sonot ṭhạ̃i khon acʼakʼ aṛaṅe ańjom ocoytaea ar uniyakʼ disạm upạrte ãṭteye hạnḍrạua. Ar darkha joko len leka uni do dhạrtireko girobasokʼkan sanamko upạrteye hohoea.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Jirimiạ 50:34

Menkhan onkoren chakʼḍaoicʼ doe daṛeangea; uniyakʼ ńutum do phạdkoren Probhu Isorge. Uni do onkoakʼ mamblae calaotakoa jemon onkoakʼ disạmre suluke ạgui ar Babelren hoṛkoe ḍamaḍol ocoko.”

Jeheskel 22:14

Ar oka hilokʼ am ṭhen khon hisạbiń hataoa enhilokʼ do cetʼ dil tahentamgea? Amakʼ ti do cetʼ keṭecʼge tahentama? Iń Probhu Isorge noa katha doń meneda ar onage iń doń onkaea.

Joel 1:15

Hae, hae, ona botoranakʼ din do! Ente Probhu Isorakʼ din do seṭerakana; jarkharakʼ din lekate ona din do phạdkoren Probhu Isor ṭhen khonge hijukʼkana.

Joel 1:6

Mitʼ jạtrenko do ińakʼ disạmko akromon akada; onko doko daṛeangea ar onkoren lạṛhại phạdko do alekha. Onkoakʼ ḍaṭa do dhạcri kulakʼ ḍaṭa leka ar onkoakʼ laser ḍaṭa do kul eṅgawakʼ jambe ḍaṭa leka.

Joel 2:1

Sionre sakwa oroṅpe, ińakʼ sonot burure muhin reakʼ soṅket baṛe ruipe. Disạmreko girobasokʼ kan sanam hoṛ doko thar tharaokʼ ma, ente Probhu Isorakʼ din do hijukʼkana; ona din do hecʼ sorakana.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Joel 2:25

Probhu Isore menetʼkana, “Ińren maraṅ lạṛhại phạdko okoe do ape ṭheniń kolletʼko metakʼme jhãke jhãk pohoko, jaljalte jojom pohoko, dodonkan pohoko ar rehetʼ jojom pohoko ar jom ṭhuṭkutʼ pohoko tinạkʼ bochor hạbicʼ apeakʼ phosolko jomakatʼ ona doń sodkatapea.

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Amos 1:2

Amose menkeda, “Probhu Isor do Sion khone hạnḍrạukʼkana ar Jerusalem khon do acʼakʼ ãṭ aṛaṅe ańjom ocoyeda. Onate gukʼpikoakʼ ạtiń ṭạnḍiko do ṭonḍaṅokʼ kana ar Karmel buru muthni reakʼ dareko do gujukʼkana.”

Amos 5:18

Hae ape do! Ape do ahkaokʼ salakʼ Probhu Isorakʼ din ńeljoṅpe khojkana! Ar cedakʼ ona din lạgitʼ dope gorojokʼkana? Ape ṭhen ona din do marsal reakʼ do baṅ hoyokʼa menkhan ńut reakʼge hoyokʼa.

Amos 5:20

Probhu Isorakʼ din do marsal baṅkate cetʼ ńutakʼ do baṅ hoyokʼa? Jhalkaokʼ marsal khon cetʼ kaṛaṅ ńutakʼ do baṅ hoyokʼa?

Obodiạ 1:15

“Sanam jạtrenko lạgitʼ Probhu Isorakʼ din do sor hecʼakana. Am cetʼkom ceka akatʼ onkage amre hõ hoyokʼa; amakʼ kạmi reakʼ jo do amakʼ bohokʼ cetanrege ruạṛ hijukʼa.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Numeri 24:23

Ona tayom Biliam do Isorakʼ noa katha roroṛe ehopʼena: “Hae! Isor noakoe hoe ocoyre, unre cetʼ jãhãe jiwetʼe tahẽdaṛeakʼa?

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu Isor do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”