Joel 1:9 - সান্তালী বাইবেল

⁹ Probhu Isorakʼ oṛakʼ khon jomakʼ samaṅokʼakʼ ar coḍor samaṅokʼakʼ porob do sahaṛ akana. Okoe Probhu Isorko sewawae kan tahẽkan onko naekeko doko homor halaṅeda.

Joel 1:9 Iomraidhean Croise

2 Bõsbudạ 13:10

“Menkhan ale do onka dole baṅkana, Probhu Isorge aleren Isor do. Ale do bale bạgi giḍiakadea. Okoeko naeke do Probhu Isorko sewawae kan onko do Aron bõsren hoṛ kanako, ar Liwiko hõ akoakʼ niṭ akatʼakʼ reakʼgeko kạmikana.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Rak̕joṅ 1:4

Sion reakʼ kulhiko doe homor halaṅeda, ente niṭ akatʼ porobre okoehõ bako hijukʼkana. Uniyakʼ sanam phaṭok duạrte bolokʼ hor do khạligea. Uniren naekeko doko jare jarekʼ kana, ar juạn kuṛiko doko dukokʼ kana, onate uni do monre ạḍi duke ńameda.

Hosea 9:4

Onko do Probhu Isor ńutumte darkha rasate coḍorakʼ samaṅokʼakʼ do bako samaṅa ar onkoren janwar samaṅokʼakʼte hõ uni do bako kusi ocodaṛeaea. Onkan samaṅokʼakʼ onko ṭhen do hokʼmor halaṅetʼkoakʼ jomakʼ lekage hoyokʼa; ar okoe onako jom onko sanamgeko bhonḍokʼa. Ona jomakʼ do akoakʼ lacʼ bikʼ lạgitʼge hoyokʼa, Probhu Isorakʼ oṛakʼte ona do baṅ ạgukʼa.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Joel 1:16

Aboakʼ mẽtʼãhã samaṅrege jomakʼ ar aboren Isorakʼ oṛakʼ khon rạskạ ar hulạs do cetʼ baṅ sahaṛakana?

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”