Joel 1:19 - সান্তালী বাইবেল

¹⁹ E Probhu Isor, iń do amgeń hohoam kana, ente ạtiń ṭạnḍiko do seṅgele jomakada ar seṅgel reakʼ lepʼ do ṭạnḍi reakʼ sanam darekoe lo roṅgo akada.

Joel 1:19 Iomraidhean Croise

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Jirimiạ 14:4

Ot do paṛakʼ akana, ente disạmre dakʼge bae dakʼeda; cacasko hõko as chuṭạuente bohokʼre tiko capo akana.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:9

Iń do cetʼ ona iạte bạń sạjạikoa? Nonkan jạtrenko cetanre ińge cetʼ bạń hala hạliya?”

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.

Amos 1:2

Amose menkeda, “Probhu Isor do Sion khone hạnḍrạukʼkana ar Jerusalem khon do acʼakʼ ãṭ aṛaṅe ańjom ocoyeda. Onate gukʼpikoakʼ ạtiń ṭạnḍiko do ṭonḍaṅokʼ kana ar Karmel buru muthni reakʼ dareko do gujukʼkana.”

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?