Joel 1:14 - সান্তালী বাইবেল

¹⁴ Ape do sonot upạs reakʼ bebostaepe; mitʼṭecʼ sabha baṛe hoeocoype. Murubbiko ar disạmre girobasokʼ kan sanamko aperen Probhu Isorakʼ oṛakʼre hoho ạgukope ar Probhu Isor ṭhen rakʼ joṅpe.

Joel 1:14 Iomraidhean Croise

2 Rapajko 10:20

Jihui menkeda, “Bakʼal debota ńutumte mitʼṭecʼ sabha hohokʼma.” Onate hoṛko do ona reakʼko lại sodorkeda.

2 Bõsbudạ 20:13

Unre Jihudạren sanam hoṛko do akoren maejiuko, hoponko, hoponerako ar gidrạko salakʼ Probhu Isor samaṅreko teṅgo akan tahẽkana.

Nehemiạ 8:18

Pạhil hilokʼ khon ehopʼkate mucạtʼ din hạbicʼ Esra do dinạmge Isorakʼ ạn-ạri reakʼ puthi khone paṛhao ańjomatʼkoa. Hoṛko do eae din hạbicʼko porobena ar irạl hilokʼ do niạm leka mitʼṭecʼ sabhako hoyocokeda.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Jirimiạ 14:2

“Jihudạ doe homor halaṅeda, ente uniyakʼ nagrahako do nijor akantaea; onḍenko hoṛ do otre duṛupʼkateko homor halaṅeda, ar Jerusalem khon do rakʼ ańjomokʼkana.

Jirimiạ 36:9

Josiạ hopon Jihudạren raj Jehoyakimakʼ rajokʼ mõṛẽakʼ bochor reakʼ areakʼ candore Jerusalemren sanam hoṛko ar Jihudạ nagrahako khon hecʼakan hoṛko lạgitʼ Probhu Isor samaṅre upạs reakʼ kathae lại jạhirkeda.

Joel 1:2

E murubbiko, ape do noa katha ańjompe; E disạmre girobasokʼ kan hoṛko, apehõ ańjompe. Ape se aperen hapṛamkoakʼ oktere nonkan ghoṭna do cetʼ jãhãtis hoylena?

Levitikus 23:36

Ar inạ eae din reakʼ dinạm hilokʼ Probhu Isor ńutumte seṅgelteakʼ samaṅokʼakʼ samaṅ hoyokʼtapea. Ona tayom irạlakʼ din do sonot jarwakʼpe hoeocoya ar Probhu Isor ńutumte seṅgelteakʼ samaṅokʼakʼpe samaṅa. Noa mucạtʼ din do porob reakʼ maraṅ jarwakʼ hoyokʼtapea; enhilokʼ do cetʼge alope kạmiya.

Jona 3:5

Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Jona 3:8

Manwa ar janwar sanamkoge jemon gõṛẽ kicricʼteko oyokʼma. Ar mitʼke mitʼ hoṛ do goṭa daṛete Isorko hohoaema ar bạṛicʼ hor khonko ruạṛokʼma ar bạṛicʼakʼ kạmiko bạgiyma.

Sephaniạ 2:1

E bin lajaokʼ jạtrenko, ape do midokʼpe ar mitʼ sãote jarwakʼpe.