Joel 1:12 - সান্তালী বাইবেল

¹² Darkha nạ̃ṛĩ do rohoṛ akana ar loa dare hõ gujukʼkana; ḍạlim dare, khijur dare, apel dare ar khet baṛge reakʼ joto dareko do rohoṛakana. Ar hoṛko tala khon rạskạ hõ caba akana.

Joel 1:12 Iomraidhean Croise

Sereńko 4:7

Ḍher phosol ar nãwã darkha rasa rakapʼlenre cetʼ leka hoṛkoko rạskạkʼ, ona khon ḍher rạskạte am do ińakʼ ontorem perecʼ akada.

Sereńko 92:12

Dhorom hoṛ do khijur dare lekae ḍagḍagaokʼa; uni do Lebanon reakʼ debdạru dare lekae hara rakapʼa.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Soros sereń 4:13

Am do mońj ḍạlim bagwan leka; one onḍe soros soros joko jo akan; onḍe do mehndi ar jut so nạ̃ṛĩkoge menakʼa.

Jesaea 16:10

Joanakʼ bagwan khon hulạs ar rạskạ do sạṅgiń ocoakana. Darkha bagwanre do celege bako sereńa ar bako andoṛa, ar darkha lelen kunḍrehõ celege darkha rasa do bako lebetʼ roḍoja, ente ona reakʼ andoṛ do mokoń ocoakana.

Jesaea 24:11

Darkha rasa lạgitʼ hor horteko kikiạu baṛaea. Rạskạ bodolte duk hoyokʼa, ar dhạrti khon hulạs do sạṅgińokʼa.

Jesaea 24:7

Nãwã darkha rasa do baṅ tahena ar darkha nạ̃ṛĩ hõ hińjrạukʼa; ar okoeko hulạsokʼkan tahẽkan onko do jotoge duk iạteko kuhrạukʼa.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jirimiạ 48:3

Horonaim khon do rakʼ ańjomokʼkana, jarkhar ar dhaṅdhaser reakʼ rakʼge ańjomokʼ kana.

Jirimiạ 48:33

Moabakʼ bagwan reakʼ jo, metakʼme Moab disạm khon rạskạ ar kusi do ocokʼ akana. Iń do darkha lelen kunḍ khon darkha rasań ańjetʼ akada; rạskạ ar hulạsate okoe hõ ona do bako lena. Hoho menakʼgea menkhan rạskạ reakʼ do baṅkana.

Joel 1:10

Sanam khetko do nosṭo akana, ot doe homoretʼkana, ente phosol do nosṭo caba akana, nãwã darkha rasa ańjetʼakana ar sunum hõ caba hijukʼkana.

Joel 1:16

Aboakʼ mẽtʼãhã samaṅrege jomakʼ ar aboren Isorakʼ oṛakʼ khon rạskạ ar hulạs do cetʼ baṅ sahaṛakana?

Jona 4:7

Menkhan dosar hilokʼ ạḍi setakʼre Isor do mitʼṭen ganḍra tejoye kolkedea; ar tejo do ona dareye ńẽtʼkeda, onate dare do tolmocʼena.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.

Numeri 13:23

Ar mukhiyạko do Eskol buru lodamkote senkate darkha jo reakʼ thokako getʼkeda. Onko modren bar hoṛ do ḍaṅre gutukate onakin gokʼ ạgukeda. Ona chaḍa thoṛa dạlim ar loa jo hõko ạgu torakeda.