Joel 1:10 - সান্তালী বাইবেল

¹⁰ Sanam khetko do nosṭo akana, ot doe homoretʼkana, ente phosol do nosṭo caba akana, nãwã darkha rasa ańjetʼakana ar sunum hõ caba hijukʼkana.

Joel 1:10 Iomraidhean Croise

Genesis 4:12

Jumi dom casgea menkhan ḍher phosol do baṅ hoyokʼtama. Ar uḍạcal hoṛ leka dhạrtirem ạcur baṛaea.”

Jesaea 15:6

Nimrim reakʼ sanam dakʼ do nosṭo ocoakana ar ghãs hõ rohoṛ kạrcupʼ akana; dareko hõ bạnukʼa, legecʼ hạṛiạṛ mente ar cetʼge sarecʼ do bạnukʼa.

Jesaea 24:11

Darkha rasa lạgitʼ hor horteko kikiạu baṛaea. Rạskạ bodolte duk hoyokʼa, ar dhạrti khon hulạs do sạṅgińokʼa.

Jesaea 24:7

Nãwã darkha rasa do baṅ tahena ar darkha nạ̃ṛĩ hõ hińjrạukʼa; ar okoeko hulạsokʼkan tahẽkan onko do jotoge duk iạteko kuhrạukʼa.

Jirimiạ 12:11

Ona do iń ṭhene homor halaṅetʼkana. Goṭa disạmge khaṅkor ot hoyakante okoe hõ bako moneyakʼkana.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 48:33

Moabakʼ bagwan reakʼ jo, metakʼme Moab disạm khon rạskạ ar kusi do ocokʼ akana. Iń do darkha lelen kunḍ khon darkha rasań ańjetʼ akada; rạskạ ar hulạsate okoe hõ ona do bako lena. Hoho menakʼgea menkhan rạskạ reakʼ do baṅkana.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Hosea 9:2

Inạ tayom khạrại ar darkha rasa lelenkunḍ reakʼ jaega do jomakʼ bako emokʼa; ar onko do nãwã darkha rasa hõ bako ńama.

Joel 1:12

Darkha nạ̃ṛĩ do rohoṛ akana ar loa dare hõ gujukʼkana; ḍạlim dare, khijur dare, apel dare ar khet baṛge reakʼ joto dareko do rohoṛakana. Ar hoṛko tala khon rạskạ hõ caba akana.

Joel 1:5

E bul bhutạṛ hoṛko, ma cetaokʼpe ar rakʼjoṅpe. E sanam bubulakʼ hoṅgorko, ape do ṭaṭka darkha rasa reakʼ bubulakʼ lạgitʼ homorpe, ente apeakʼ moca khon ona do recʼ ocoakana.

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Habakkuk 3:17

Loa darere baṅ bahakʼre hõ ar darkha nạ̃ṛĩre darkha jo baṅ jolenre hõ, jạitun darere jãhãn jo baṅ saplenre hõ ar khetre jãhãn phosol baṅ hoylenre hõ, bhiḍikoakʼ khạṛre bhiḍiko bako tahẽlenre hõ ar goṛare kaḍa bitkil bako tahẽlenre hõ,

Hagae 1:11

Khet baṛge, buru-ḍuṅgri, phosolko, nãwã darkha rasa, sunum ar otre okako omonokʼ ona cetanre ar manwa, janwar ar apeakʼ tite kạmiyakʼ sanamakʼko cetanre dakʼ alo emokʼ lạgitʼ iń hukumleda.”

Malaki 2:3

Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”