Jobakʼ 10:3 - সান্তালী বাইবেল

³ Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Jobakʼ 10:3 Iomraidhean Croise

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Jobakʼ 14:15

Unre amem hohoạńạ ariń goṅ ruạṛa; ar amakʼ titeakʼ kạmiyakʼ lạgitʼem uihạrińa.

1 Patras 4:19

Enḍekhan Isorakʼ monejoṅ lekate okoe dukko sahaoetʼkan, onko do akoren pạtiạricʼ sisirjạuicʼakʼ tire apnartetʼko jimạkʼma ar bhage kạmiko kạmi idima.

Sereńko 69:33

Probhu Isor do nacarkoakʼ kathae ańjoma; ar uniren hoṛko, okoe do bundi dosare menakʼko, onko do nicạṛ mẽtʼte bae ńelkoa.

Jobakʼ 40:8

Am do cetʼ ińakʼ bicạrem bhoṭetʼtińa? Ińgem dusiyediń kante cetʼ am do dhoromem ṭarhaokʼ kana?

Jobakʼ 40:2

“Sanam daṛean tulucʼ okoeye reṭepeṭekʼkan uni do cetʼ uniye sudhrạuea? Isor tulucʼ okoeye reṭepeṭekʼkan unige roṛ ruạṛe emokʼma.”

Jobakʼ 21:16

Menkhan onkoakʼ kisạ̃ṛokʼ do akoakʼ tire bạnukʼa, onate iń do bedhoromkoakʼ solha khon sạṅgińreń tahenkana.

Jobakʼ 9:24

Bedhoromkoakʼ tire dhạrti do emakana ar Isor do bikʼcạrkoakʼ mẽtʼe bond akatʼ takoa. Uni bae onka akatʼ khan tobe do okoeye onka akada?

Jobakʼ 9:22

Sanamakʼge somangea, onateń meneda, ‘miridos ar bedhorom-nukin banarge uni doe maraokinạ.’

Jobakʼ 8:20

“Bindusạn hoṛ do tisge Isor bae bạgi giḍiaea, se bạṛicʼko kạmikan hoṛkoakʼ ti do bae daṛe ocoya.

Jobakʼ 10:8

“Amakʼ tikinge iń doe gaṛhao akadińạ, are benao akadińạ; ńitokʼ do cetʼ ruạṛ hecʼkatem marao giḍikạńạ?

Jobakʼ 16:11

Isor do bedhorom hoṛko ṭhene soprot akadińạ; bạṛicʼ hoṛkoakʼ tireye capatʼ khadle akadińạ.

Jobakʼ 19:6

enḍekhan baḍaepe, Isorge iń cetanreye behokeda; ar acʼakʼ jhạlire unigeye esetʼ ạcur akadińạ.

Jobakʼ 27:2

“Okoe ińakʼ hoke hatao akatʼtiń uni jiwetʼ Isor ńutumteń kiriạkʼkana, okoe ińakʼ jiwiye hewer haṛhatʼ akatʼtiń uni sanam daṛeanicʼ ńutumte kiriạkateń meneda,

Jobakʼ 30:21

Am do ińre kurmutạha lekam beohareda; amakʼ daṛeakʼ tite am dom ghạl akadińạ.

Jobakʼ 31:15

Kukhire okoe ińe benao akadiń, uni do cetʼ onko hõ bae benao akatʼkoa? Uni mitʼ hoṛge cetʼ eṅgatakʼ kukhire bae benao akatʼbona?

Jobakʼ 33:4

Isorren jiu doe benao akadińạ; ar sanam daṛeanicʼakʼ sahẽtʼ doe jiwetʼ akadińạ.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.