Jobakʼ 1:3 - সান্তালী বাইবেল

³ Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Jobakʼ 1:3 Iomraidhean Croise

Genesis 12:16

Sạri iạte Pharao do Abram sãote mońj beohare ehopʼkeda. Ar Abraham do bhiḍiko, ḍaṅgrako, gadhako, ũṭko, guti ar kạ̃ṛmĩkoe ńamketʼkoa.

Genesis 12:5

Uni do acʼren bạhu Sạri ar bhạcạt koṛa Lote soṅgekedea are oḍok hecʼena. Ar acʼakʼ sanamakʼko soṅgekate ar tinạkʼ guti kạ̃ṛmĩko Haranreye ńamletʼko onko soṅgekate uni do Kanan disạmteye seṭerena.

Genesis 13:6

Menkhan mitʼ ṭhen kin tahẽdaṛeakʼ nonkan jaega do baṅ tahẽkana. Unkin bana hoṛrenge ạsul janwarko ar tạmbuko nunạkʼ ḍher tahẽkante mitʼ ṭhen tahen do muskilge tahẽkantạkina.

Genesis 24:35

Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Genesis 25:6

Uni do acʼren chuṭki erakoren hoponko hõ acʼ jiwetʼe tahenrege ḍhere danatʼkoa. Noko do Isahak sãote bae tahẽ ocowatʼkoa menkhan purub reakʼ mitʼṭecʼ disạmteye kolkatʼkoa.

Genesis 29:1

Jakob do calakʼ calakʼte purub disạmren hoṛkoakʼ ṭoṭhateye seṭerena.

Genesis 32:14

Ona do hoyokʼ kana, barsae merom pạṭhi ar bargel merom eṅga, barsae bhiḍi ar bargel bheḍa, hopon sudhạ toa emokʼ pegel ũṭko, pongel gại ar gel goṭecʼ ḍaṅgra, bargel gadha eṅga ar gel goṭecʼ gadha.

Genesis 34:23

Onkoren ḍaṅgrako-bhiḍiko, dhon-sompotti ar sanam mĩhũ meromko hõ abo talaregeko tahena. Onate dela, onkoakʼ kathare bon rạjikʼma. Enḍekhan onko do abo sãoteko girobasokʼa.”

2 Samuel 12:2

Kisạ̃ṛ hoṛren do ạḍi utạr ḍaṅgra ar bhiḍiko tahẽkantaea.

1 Rapajko 4:30

Purub disạm ar Misorren sanam ạkilan hoṛko khon Solomonakʼ ạkil do ḍherge tahẽkana.

2 Rapajko 15:20

Menahem do noa ṭaka Israel hoṛko ṭhen khon jor-julumkateye uṭhạuleda. Ar Asurren raj emae lạgitʼ mimitʼ kisạ̃ṛ hoṛko do turui sae gram rupạ emokʼ hoyentakoa. Onate Asurren raj do disạm bạgiyatʼteye calaoena.

2 Rapajko 3:4

Moabren raj Misaren do ạḍi utạr bhiḍiko tahẽkantaea. Uni do khajna lekate mitʼ lakh bhiḍi hopon ar mitʼ lakh bhiḍi upʼ Israelren raje emaekan tahẽkana.

1 Bõsbudạ 27:30

Ismaeliạ Obilakʼ do ũṭko cetanre bhar tahẽkantaea. Ar Merothi hoṛ Jehdiay do gadhako cetanre bhar tahẽkantaea.

2 Bõsbudạ 26:10

Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

2 Bõsbudạ 32:29

Uni do apnar lạgitʼ ạḍi utạr atoko ar nagrahakoe benao rakapʼkeda. Uniren ḍaṅgra, bhiḍi, meromkoakʼ lekha do ạḍi ḍher hoyena, ente Isor do ạḍi utạr dhonkoe emade tahẽkana.

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

Jobakʼ 1:4

Uniren hoponko do pạli pạlite apan ạpin oṛakʼreko bhojetʼ tahẽkana ar onko tulucʼ jom ńũi lạgitʼ hoṛ kolkate akoren pea boeha kuṛiko neotayetʼko tahẽkana.

Jobakʼ 21:28

Apepe meneda, ‘okayena uni kisạ̃ṛ hoṛakʼ oṛakʼ do? Okor okaeyena uni bedhorom hoṛakʼ tạmbu do?’

Jobakʼ 29:25

Iń do onkoakʼ horkoń bachao akokan tahẽkana ar onkoren mukhiyạko lekań duṛupʼkan tahẽkana; iń do lạṛhại phạdren raj lekageń tahẽkana; ar homor halaṅetʼ hoṛ do jiwi raṛecʼ iń emakokan tahẽkana.

Jobakʼ 31:25

ar ińakʼ tite oka dhon-duribiń hameṭ akawan ona dhon iạteń hulạs len khan,

Jobakʼ 31:37

Ińakʼ mimitʼ taṛam reakʼ hisạb uniń emawaea; raj kumar leka iń do uni ṭheniń sorkokʼa.

Jobakʼ 42:10

Job do acʼren gateko lạgitʼe koeketʼ khan Probhu Isor do Jobakʼ dhon dhuribe ruạṛkatʼtaea ar lahateakʼ khon bar dobṛae emadea.

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Jirimiạ 49:28

Babelren raj Nebukadnesar do Kedar ar Hasorren okoekin raje bhagaoletʼ kin unkin babotre Probhu Isor doe meneda, “Beretʼpe, ar Kedarte rakapʼ calakʼpe ar purub disạmren hoṛko jarkharkope.

Numeri 23:7

Unre Biliam do Isor emakʼ noa katha roroṛe ehopʼena: “Balak do Aram disạm khon ińe ạgukedińạ, purub reakʼ buruko khon Moab raj do ińe ạgukedińạ. Uni doe menkeda, ‘iń ńutumte dela Jakob sarapaeme, Israelrenko upạrte bin bhạlạiyakʼ katha baṛe lạiyạńme.’

Bikʼcạrko 6:3

Israelko do tinre phosolko eretʼ tahẽkana unre Midiạnrenko, Amalekiko ar purub disạmren hoṛko hecʼkate onkoakʼ disạmko luṭ idiyetʼkan tahẽkana.

Bikʼcạrko 6:5

Onko do akoren ạsul janwarko ar tạmbuko salakʼ pohoko leka jhãke jhãkko hijukʼkan tahẽkana.

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Bikʼcạrko 8:10

Seba ar Salmuna do gelmõṛẽ hajar lạṛhại phạdante Karkorrekin tahẽkana. Purub disạmren lạṛhại phạdko modre nokoge sarecʼko tahẽkana ar mitʼ lakh bargel lạṛhại phạdko doko gocʼ ocolena.

1 Samuel 25:2

Unre Maon atore mitʼṭen maraṅ kisạ̃ṛ hoṛe tahẽkana. Uniyakʼ kạmiko do Karmelre tahẽkantaea. Uniren do pe hajar bhiḍi ar mitʼ hajar meromko tahẽkana. Ar un jokhecʼ uni do Karmelre bhiḍiko upʼe kạpciyetʼtako tahẽkana.

1 Samuel 27:9

Dạud do jãhã ṭoṭharege jhãpe emetʼ tahẽkan uni do onḍenko herel ar maejiu jotogeye gocʼetʼko tahẽkana, ar onkoren bhiḍiko, ḍaṅgrako, gadhako, ũṭko ar onkoakʼ kicricʼ khạnḍwạkʼkoe luṭ ạguiyetʼ tahẽkana. Ar tinre uni do Akis ṭhene ruạṛ hijukʼkan tahẽkana unre Akise kulikan tahẽkana, “Teheń do okare luluṭem senlena?” Unre Dạud doe roṛ ruạṛetʼ tahẽkana, Negeb reakʼ Jihudạ ṭoṭhare, Jiramelikoakʼ ṭoṭha se Kenikoakʼ ṭoṭhateń senlena.