Jirimiạ 9:7 - সান্তালী বাইবেল

⁷ Ona iạte phạdkoren Probhu Isore meneda, “Ńelpe, onko doń galaokoa ariń biḍạu aṭkarkoa, ente ińren hoṛko onka akatʼ iạte ar cetʼ iń ceka daṛeakʼa?

Jirimiạ 9:7 Iomraidhean Croise

2 Samuel 13:26

Unre Absalom do raje metadea, “Am bam calakʼ khan tobe do ińren boeha Amnon ale sãote sen ocoaeme.” Raj do uniye kulikedea, “Cedakʼ ape tulucʼ doe calakʼa?”

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

Sereńko 120:4

Uni do birbanṭawakʼ laser sarko ar Rothem jhạuạ reakʼ aṅgra seṅgelkoe emama.

Sereńko 55:22

Amakʼ sanam bojha do Probhu Isorge ladeaeme, unige am doe bondobosama; ar acʼ botoraeko do tis hõ bae ṭasak ocokoa.

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Jesaea 1:25

Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.

Jesaea 48:10

Ńelpe, seṅgelreń khadlepea, menkhan ape do rupạ leka nirại do bape oḍok hecʼakana; iń do duk reakʼ bhaṭareń biḍạu aṭkar akatʼpea.

Jesaea 59:3

Ente apeakʼ tiko do mãyãmte bhõnḍakana ar apeakʼ kạṭupʼ do ghạṭkote perecʼ akana. Apeakʼ moca do eṛe kathae roṛeda ar apeakʼ alaṅ do dusṭạmigeye phuṭạu akada.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jirimiạ 6:27

Probhu Isore meneda, “Am do hoṛkoren biḍạu aṭkaricʼ iń doho akatʼmea jemon onkom biḍạu aṭkar daṛeakote onkoakʼ horkom ńel daṛeakʼ.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Malaki 3:3

Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.