Jirimiạ 9:22 - সান্তালী বাইবেল

²² Probhu Isorge noa katha do memene metadińạ, “Hoṛkoakʼ mạ̃ṛĩ do gur akan tahena guricʼ leka; irokʼicʼ tayomre binḍạko leka, okoehõ ona do bako jarwaea.”

Jirimiạ 9:22 Iomraidhean Croise

2 Rapajko 20:13

Hiskiạ do kusite onko goḍetkoe ataṅ aderketʼkoa ar acʼakʼ sanam khajańci oṛakʼ, sona, rupạ, jut so mosola, daman sunumko, khanḍa bhanḍako ar murạikoe udukʼatʼkoa. Hiskiạwakʼ raj oṛakʼre se uniyakʼ rajosṭire nonkan cetʼge baṅ tahẽkana one okaṭakʼ do bae udukʼ akawatʼko.

2 Rapajko 20:15

Nạbi do uniye kulikedea, “Onko do amakʼ raj oṛakʼre cetʼ cetʼko ńelkeda?” Hiskiại menkeda, “Ińakʼ raj oṛakʼ reakʼ sanamakʼge onko doko ńelkeda. Ińakʼ khajańci oṛakʼre nonkan cetʼge bạnukʼa one okaṭakʼ do bạń udukʼ akawatʼko.”

2 Rapajko 9:37

Ona jumi reakʼ otre Isebelakʼ hoṛmo do guricʼ leka giḍi akan tahena ar okoege bako orom daṛeakʼa ona do Isebelakʼ hoṛmo kana mente.’ ”

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Sereńko 49:7

Gujukʼ khon do okoe hõ bako bańcao daṛeakoa se chaḍao reakʼ dam Isor hõ bako em daṛeaea, jemon jaejug hạbicʼ jiwetʼe tahente uni do patal purite calakʼ baṅ hoyokʼtae; ente jiwi reakʼ dam do ḍhergetaea, ona dam reakʼ soman do cetʼge bạnukʼa.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

Kạhtukko 18:11

Kisạ̃ṛkoakʼ dhonge onkoakʼ nagraha reakʼ pạcri do; menkhan onko do akoakʼ dhonge rurukhiyạ reakʼ pạcriko hudiseda.

Kạhtukko 23:4

Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jirimiạ 25:33

Unre Probhu Isor okoekoe gocʼko onko do dhạrti reakʼ mitʼ simạ khon eṭakʼ simạ hạbicʼ sanam ṭhạ̃ire sombhotʼ bhinḍạṛ akanko tahena. Onko lạgitʼ do celege bako halaṅ homora se onko do celehõ bako jarwakoa se topa hõ bako topakoa, menkhan onko do ot cetanre guricʼ lekako hoyokʼa.

Jirimiạ 6:21

Onate Probhu Isore meneda, “Noko hoṛ samaṅre iń do aema tạkʼkicʼakʼ iń dohoya. Apat ar hoponko onare mitʼ domteko tohodokʼa; aḍepaseren hoṛ ar gateko doko marao utạrokʼa.”

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Habakkuk 1:11

Ar ona tayom do hadaṛ hadaṛ hoe lekako parom calakʼkana. Onko hoṛ doko dusigea, ente onkoren debota do akoakʼ daṛege.”

Sephaniạ 1:17

Probhu Isor do hoṛko cetanre maraṅ kosṭogeye paṛao ocoyte onko do kãṛã hoṛ leka ṭạmḍạu baṛaea, ente onko do Probhu Isor upạrteko kại akada. Onkoakʼ mãyãm do dhuṛi lekage giḍi ocokʼa ar onkoakʼ hoṛmo do guricʼ leka giḍi akan tahena.

Dosar Biboron 8:17

Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’