Jirimiạ 9:20 - সান্তালী বাইবেল

²⁰ Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Jirimiạ 9:20 Iomraidhean Croise

Jobakʼ 22:22

Uniyakʼ moca khon sopolha ataṅme, ar uniyakʼ katha amakʼ monre dohoyme.

Jesaea 3:16

Probhu Isor do arhõe meneda, “Sionren maejiu do bạḍạiteko perecʼgea. Onko do hoṭokʼ tiạrkateko beraberi baṛae kana arko bijli baṛayeda; ar chamak chamak taṛamate jhamak jhunur pạigạnko saḍe ocoyeda.

Jesaea 3:4

Onko cetanre do kom umerren koṛakoge matha lekae benaokoa; ar thoṛa budan koṛako do onkoren cakʼlaokoko hoyokʼa.

Jirimiạ 14:16

Okoe nạbi do onko ṭhen nạbi lekate kathako roṛetʼkan onkoakʼ mạ̃ṛĩ do lạṛhại ar akalte Jerusalem reakʼ kulhikore giḍi ocokʼa. Unre onko se onkoren bạhuko ar gidrạko topako lạgitʼ okoehõ bako tahena. Onkoakʼ kuṛại do onko cetanregeń upʼakoa.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.