Jirimiạ 9:14 - সান্তালী বাইবেল

¹⁴ Ona bodolte akoakʼ ontor reakʼ kạṭhuạtetʼ lekako senokʼkana. Ar akoren apatkoakʼ cecetʼakʼ leka onko hõ Bakʼal debotako pańjayede kana.

Jirimiạ 9:14 Iomraidhean Croise

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Jobakʼ 9:18

Uni do bae sahẽtʼ ocowạń kana bickom haṛhatʼte ińakʼ jiwiye perecʼetʼ tińạ.

Jirimiạ 11:8

Menkhan onko do bako ańjomleda ar bako moneyada; ona bodolte akoakʼ mon reakʼ kạṭhuạtetʼteko taṛametʼ tahẽkana. Onate okaṭakʼ bondobos manao reakʼ iń hukumatʼko tahẽkan ona bako manaoletʼte ona bondobos reakʼ katha lekateń sạjạiletʼkoa.”

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.

Jirimiạ 16:12

Menkhan ape do aperen hapṛamko khonhõ bạṛicʼpe coloneda. Ńelpe, ape mimitʼko do ińakʼ katha leka sen baṅkate apeakʼ bạṛicʼ mon reakʼ keṭecʼtetʼ iạte apeakʼ kusi lekape calakʼkana.

Jirimiạ 2:23

Ar cekatem meneda, iń do bạń bhõnḍ akana, am do cetʼ Bakʼal debota tayomte bam ńir sen akana? Buru nalakore amakʼ horko beṅgetʼatam; ar am okam ceka akatʼ ona hõ hudisokʼme. Am do mecka mecki baṛaekan phẽṭaṛ ũṭ leka hante natem piḍgạu baṛaekana.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 23:27

Onko doko hudiseda akoren hapṛamko cetʼleka Bakʼal debotako sewawade tahẽkante ińko hiṛińledeń onkage akoakʼ kukmũ reakʼ katha sanam ṭhenko roṛte ińren hoṛko ińakʼ ńutumko hiṛiń ocokoa.

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;