Jirimiạ 9:12 - সান্তালী বাইবেল

¹² Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jirimiạ 9:12 Iomraidhean Croise

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 107:43

Okoeye ạkilan hoṛkan uni do ona reaṅe moneyakʼma ar Probhu Isorakʼ asambheṛ dulạṛ reaṅ hõ mońjteye hetawakʼma.

Jesaea 42:23

Ape modre ińakʼ katha ańjomicʼ do okoe menaea? Ar oka okte hijukʼkan ona lạgitʼ ińakʼ katha do okoeye moneyakʼa?

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 23:22

Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 9:20

Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Jeheskel 14:23

Onkoakʼ sobhab ar kạmiko ńelte ape do jiwi raṛecʼpe ńama arpe bujhạu daṛeakʼa, ạuṛiyakʼte iń do jãhãnakʼ bạń cekaya mente. Ar iń Probhu Isorge noa katha doń menetʼkana.”

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Hosea 4:10

Onko doko jomgea menkhan bako tirpitokʼa; onko doko laṭghaṭa menkhan lekhare bako ḍherokʼa, ente onko do boṅgako iạte Probhu Isorko bạgi giḍi akadea.

Joel 1:11

E cacasko, lajaokʼpe baṛe; ar okoe do darkha nạ̃ṛĩpe jotonetʼkan, ape do guhum ar jao lạgitʼ homor halaṅpe; ente khet reakʼ phosol do nosṭoakana.

Sephaniạ 3:6

Probhu Isore meneda, “Iń do jạt jạtrenkoń marao akatʼkoa; onkoakʼ usul pahra oṛakʼ hõ marao akana. Onkoakʼ hor doń ujạṛ akatʼtakoa; celege onare do bako dãṛãnkana. Onkoakʼ sanam nagraha do marao akana; onḍe do celege bạnukʼkoa ar celege bako girobasokʼ kana.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Johan sodor 1:3

Ar Isorakʼ okaṭakʼ katha nonḍe olakan, ar okoe noae paṛhao uni doe bhạgangea ar okoe onako ańjom arko manao onko hõko bhạgangea, ente okte do hecʼ seṭerakana.