Jirimiạ 9:1 - সান্তালী বাইবেল

¹ Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jirimiạ 9:1 Iomraidhean Croise

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 55:7

Hẽ, iń do ạḍi sạṅgińiń calaokokʼa, ar mitʼṭecʼ nisun jaegare senkateń tahẽkokʼa. (Sela)

Jesaea 16:9

Ona iạte iń do Jaser lekage Sibmạ reakʼ darkha nạ̃ṛĩ lạgitʼ iń rakʼeda. E Hesbon, E Eleale, aben do mẽtʼ dakʼteń jehe jobe bena. Ente abenakʼ jo ar irokʼ phosolrege lạṛhại reakʼ andoṛ do paṛao akana.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Hosea 7:4

Onko jotoge laṭghaṭko kanako, onko do piṭhạ rapakʼicʼakʼ jolokʼkan culhạ leka; holoṅ sipi khon ehopʼkate ona phulạu rakabokʼ hạbicʼ one ona reakʼ seṅgel do uskurakʼ baṅ jạruṛ.