Jirimiạ 8:7 - সান্তালী বাইবেল

⁷ Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Jirimiạ 8:7 Iomraidhean Croise

Soros sereń 2:12

Ṭạnḍire bahako saṛ akana, ar cẽṛẽkoakʼ sereńko hõ ańjomokʼ kana disạmre mala potamkoakʼ kukuḍubur hõ ańjomokʼ kana.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

Sakariạ 5:9

Ona tayom iń doń beṅgetʼ rakapʼketʼ khan barea maejiu do hoe sãote oṭaṅ hijukʼkaniń ńelketʼkinạ. Unkinakʼ phạ̃kṛạ̃kʼ do kisni cẽṛẽakʼ phạ̃kṛạ̃kʼ leka ar unkin do ona bhajan coṭtekin rakapʼ idikeda.