Jirimiạ 8:15 - সান্তালী বাইবেল

¹⁵ Sulukokʼ lạgitʼ bon aslena menkhan jãhãn bhạlạige baṅ hoylen tabona; abo do bogekʼ lạgitʼ bon aslena menkhan heṛan botor seṭeratʼbona.

Jirimiạ 8:15 Iomraidhean Croise

Jobakʼ 30:26

Menkhan tinre bhạlạiyakʼ iń aslena unre do bạṛicʼakʼge seṭeradińạ; marsal reakʼ iń ńel horetʼ tahẽkana menkhan ńut hecʼạdińạ.

Jirimiạ 12:12

Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 4:10

Unreń menkeda, “Hae, hae! E Probhu Isor, noko hoṛko ar Jerusalemrenko do ạḍitetʼgem andha akatʼkoa ar nonkam roṛakada, ‘apeakʼ sulukge hoyokʼtapea,’ menkhan tarwaṛe do aleakʼ jiwi hạbicʼem ader akada.”

Jirimiạ 6:25

Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.

Jirimiạ 8:11

Ińren hoṛkoakʼ ghạlko onko do eken cetan cetanteko bogeyetʼtakoa. Onko do ‘suluk, suluk ko,’ meneda menkhan suluk do bạnukʼtakoa.

Jeheskel 7:25

Heṛan botor hecʼlen khan onko do suluk reakʼko ńam baṛaya menkhan bako ńama.

Mikạ 1:12

Okoe Marothrepe girobasokʼ kan onko do rehay ńam lạgitʼko ahkaokʼkana, ente Probhu Isor ṭhen khon muhin do hecʼpaṛao akana; hẽ, ona do Jerusalem reakʼ phaṭok duạr hạbicʼ seṭer akana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.