Jirimiạ 8:14 - সান্তালী বাইবেল

¹⁴ Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Jirimiạ 8:14 Iomraidhean Croise

2 Samuel 20:6

Unre Dạud do Abisaeye metadea, “Absalom aboakʼ tinạkʼ bae loksan akatʼ ona khon hõ Bikri hopon Seba do ḍhere loksan tabona. Ńitokʼ am do ińren hoṛkoante uni khudạue lạgitʼ oḍok calakʼme. Ar baṅkhan uni do jãhãn pạcrite esetʼ nagrahae sendra ńamle khan abo ṭhen khone dạṛ paskaokʼa.”

Sereńko 39:2

Menkhan mocań bondketʼ tiń khan, okaṭakʼ bhageakʼkan ona bạń roṛletʼte, ińakʼ mon reakʼ kosṭo do ḍherena.

Sereńko 69:21

Onko do ińakʼ jomakʼre bisko mesalada ar tetaṅedeń jokhecʼ do sirkạko emadińạ.

Jesaea 47:5

Probhu Isore meneda, “E Babel, am do duṛupʼ thirkokʼme; ar ńutre bolokʼme. Ente rajosṭikoren rạni do ar bam hoho ocokʼa.

Jirimiạ 14:20

E Probhu Isor, aleakʼ dusṭạmi ar aleren hapṛamkoakʼ dos reakʼle aṅgocetʼ kana; sạrige ale do am upạrtele kại akada.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Jirimiạ 35:11

Menkhan Babelren raj Nebukadneser do tinre niạ disạme hatkeda unrele menkeda, ‘Babel ar Aramren lạṛhại phạdko ṭhen khon dela bon ńir paskaokʼma ar Jerusalemte bon calakʼma.’ Onate ale do Jerusalemregele tahẽyena.”

Jirimiạ 9:14

Ona bodolte akoakʼ ontor reakʼ kạṭhuạtetʼ lekako senokʼkana. Ar akoren apatkoakʼ cecetʼakʼ leka onko hõ Bakʼal debotako pańjayede kana.

Jirimiạ 9:15

Ona iạte iń do Israelren phạdkoren Probhu Isor ńutumte noa kathań roṛeda, ‘ńelme, noko hoṛ do haṛhatʼ jomakʼ ar bis dakʼ iń ńũ ocokoa.

Rak̕joṅ 3:19

Ińakʼ kosṭo ar ạcur baṛae reakʼ katha disạime; disạime ińakʼ haṛhatʼ ar biste perecʼ jion reakʼ katha.

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.

Amos 6:10

Ona tayom jãhãeṭakʼ peṛage onako mạ̃ṛĩ do oḍok idikate rapakʼ giḍikakʼ lạgitʼe hijukʼa. Uni do oṛakʼ bhitrire bolokate ar jãhãe menakʼkoa se baṅa ona baḍae lạgitʼe kulijoṅa, “Am chaḍa ar jãhãe menakʼkoa?” Unre ona oṛakʼren hoṛe mena, “Baṅa, bạnukʼkoa.” Onate uni peṛa doe mena, “Hapekokʼme. Ar Probhu Isorakʼ ńutum hõ alom ńuma.”

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Dosar Biboron 29:18

Teheń ape talare nonkan herel hoṛ se maejiu se jãhãe gusṭirenko aloko tahenma okoe do aperen Probhu Isor bạgikate onko boṅgako sewawako lạgitʼe lilkạrokʼkan. Ar jãhãe nonkanicʼ menae khan uni do ape talare mitʼṭecʼ rehetʼ leka kanae okoe do sesre bis ar nagdanae upcạu ocoy.

Dosar Biboron 32:32

Probhu Isore meneda, “Onkoakʼ darkha nạ̃ṛĩ do Sodom reakʼ darkha nạ̃ṛĩ khon ar Gomora reakʼ khet khonge omon akana. Onkoakʼ darkha nạ̃ṛĩre do bis menakʼa, ar darkha thopako do haṛhatʼgetakoa.