Jirimiạ 8:12 - সান্তালী বাইবেল

¹² Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jirimiạ 8:12 Iomraidhean Croise

Genesis 19:34

Dosar hilokʼ maraṅicʼ do huḍińicʼ kuṛiye metadea, “Ńelme, hola ńindạ do baba tulucʼ iń giticʼmitʼena. Dela, teheń ńindạ hõ onka gelaṅ bul ocoyea, ar ona tayom do uni tulucʼ am giticʼmidokʼme. Enḍekhan baba hotete alaṅ do alaṅakʼ bõs laṅ rukhiyạ daṛeakʼa.”

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Sereńko 52:7

“Hạni ńelepe, uni hoṛ Isor do acʼakʼ gaṛ bae hoyocoadea; uni do dhon sompotti cetanreye bhorsa akana, ar acʼakʼ bạṛicʼ sana reakʼ daṛete daṛeanicʼe hoyakana.”

Jesaea 24:2

Enhilokʼ naeke ar disạm hoṛko, kisạ̃ṛ ar gutiko, kisạ̃ṛ erako ar kạ̃ṛmĩko, kiriń ar ạkhrińko, dhar emokʼko ar hataoko ar rin emokʼko ar rin hataoko onko jotokoakʼ dosa do mitʼ lekage hoyokʼtakoa.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jirimiạ 14:15

Okoeko nạbi do iń ńutumteko nạbiyetʼkan onko reaṅge iń Probhu Isor do noa kathageń menetʼkana, onko do bạń kol akatʼkoa, enhõko meneda, ‘niạ disạmre jãhãn lạṛhại se akal do baṅ hoyokʼa.’ Menkhan onko nạbi do jotoge lạṛhại ar akalteko marao utạrokʼa.

Jirimiạ 23:12

Ona iạte onkoakʼ hor do leńjedokʼ reakʼ horge hoyakana; ńut doe laga baṛakoa ar onko do onḍegeko bhindạṛokʼa. Ar sạjại emako jokhecʼ iń do onko cetanre muhiniń paṛao ocoya.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 6:21

Onate Probhu Isore meneda, “Noko hoṛ samaṅre iń do aema tạkʼkicʼakʼ iń dohoya. Apat ar hoponko onare mitʼ domteko tohodokʼa; aḍepaseren hoṛ ar gateko doko marao utạrokʼa.”

Jeheskel 23:18

Uni do tinre khulạsate loṭghuṭiye ehopʼkeda ar acʼakʼ uluṅtetʼe sodorkeda unre iń do uniń hirkhạwadea, cetʼleka acʼren boeha kuṛiń hirkhạwade tahẽkan.

Hosea 5:9

Sạjại emakʼ dinre Ephrayim do ujạṛokʼakʼ hoyokʼa. Ar okaṭakʼ do hoyokʼte hõ hoyokʼge ona do Israel gusṭirenko talareń lại sodoretʼkana.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.