Jirimiạ 8:10 - সান্তালী বাইবেল

¹⁰ Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jirimiạ 8:10 Iomraidhean Croise

Jobakʼ 31:10

enḍekhan ińren bạhu do eṭakʼ hoṛakʼ jantegeye ridma, ar eṭakʼ hoṛ do uni tulucʼe giticʼ midokʼma.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 17:11

“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Jirimiạ 38:22

Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’

Jirimiạ 42:1

Ona tayom lạṛhại phạdkoren sanam subedarko, Karea hopon Johanan ar Hosaya hopon Jasniạ ar sanam hoṛko do Jirimiạ nạbi ṭhen hecʼkateko menkeda, “Dayakate aleakʼ nehõr baṛe ańjomtaleme ar noko sarecʼ hoṛko lạgitʼ amren Probhu Isor ṭhen koeme. Am do ńitem ńeletʼkangea mitʼ okte ale do ḍhergele tahẽkana ar ńitokʼ do eken thoṛa hoṛge sarecʼ menakʼlea.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.

Sephaniạ 1:13

Onkoakʼ dhon do luṭ idikʼtakoa ar onkoakʼ oṛakʼ-duạr hõ maraokʼtakoa. Onko do oṛakʼ-duạrko benaojoṅa menkhan onare do bako tahẽdaṛeakʼa; darkha bagwan hõko benaojoṅa menkhan darkha rasa do bako ńũ daṛeakʼa.”

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.