Jirimiạ 7:5 - সান্তালী বাইবেল

⁵ Ape do sạrige apeakʼ colon ar kạmiko reakʼpe jutletape khan ar hoṛkoakʼ hok reakʼpe chinḍạuletako khan,

Jirimiạ 7:5 Iomraidhean Croise

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Jesaea 16:3

Onko doko mena, “Solha emalepe; ar lạiyalepe cetʼle cekaea. Ape do tikin reakʼ umul do ńindạ reakʼ ńut leka hoeocoype- ar okoeko dạṛetʼkan onko do okore dohokakope, ar rukhiyạ ńam lạgitʼ asray lạgitʼko khojkan hoṛ do alope soprotkoa.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 22:15

Aema Aema debdạru dareko tahẽlen khan ona do cetʼ raje benao daṛeama? Amren ạpum do bhage bhageye jom-ńũiyetʼ tahẽkanre hõ okaṭakʼ ṭhikakʼ ar hok reakʼakʼ kan onageye onkayetʼ tahẽkante un jokhecʼ jotowakʼ do bhagege tahẽkana.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jirimiạ 26:13

Ńitokʼ ape do apeakʼ colon ar kạmiko sudhrạutape ar aperen Isor Probhuakʼ katha ańjomtaepe. Enḍekhan Probhu Isor do ape upạrte okaṭakʼ muhin kol reakʼe goṭa akatʼ ona do ar bae kola.

Jirimiạ 7:3

Israelren Isor phạdkoren Probhu Isor doe meneda, “Ape do apeakʼ colon beohar ar kạmiko sudhrạutape enḍekhan niạ ṭhạ̃iregeń girobas ocopea.

Jeheskel 18:17

ar reṅgecʼ orecʼko bae santaoetʼko ar jãhãn sudge bae hataoetʼ, menkhan ińakʼ ạn-ạriko lekae calakʼkan ar ińakʼ niạmkoe manaoetʼ, enḍekhan uni do apattetʼakʼ kại iạte bae gujukʼa; bickom khạṭigeye bańcaokʼa.

Jeheskel 18:5

“Jãhãe dhorom hoṛ hok ar ṭhikakʼe kạmi khan-

Jeheskel 18:8

ar sudte ṭaka bae emako, behokakʼ khon acʼakʼ tiye akoṭetʼtae ar hoṛko talare hok reakʼe bicạretʼkan,

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

Bikʼcạrko 21:12

Onko bir do Jabes Gileadren hoṛko modre ponsae kũạri kuṛiko ńamketʼkoa; ar onko do Kanan disạmre menakʼ Silo reakʼ ḍerateko idiketʼkoa.

Bikʼcạrko 5:1

Enhilokʼ Debora ar Abinoamren hopon Barak do noa sereńkin sereńkeda: