Jirimiạ 7:4 - সান্তালী বাইবেল

⁴ Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Jirimiạ 7:4 Iomraidhean Croise

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Jirimiạ 29:31

“Am do sanam bondiko ṭhen niạ khobor kolme, Nehelamren Semaya reaṅ Probhu Isore meneda, ‘Semaya do bạń kol akadea, enhõ uni do ape ṭhen nạbiye udugokʼ kana ar eṛe kathateye pạtiạu ocoakatʼpea.

Jirimiạ 6:14

Onko do ińren hoṛkoakʼ ghạlkoko tolkatako kana okaṭakʼ do cetʼge baṅkan. Onkoko meneda, ‘suluk, suluk,’ menkhan suluk do sạrige bạnukʼanaṅ.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Luk 3:8

Ar kại khon cetʼleka monpe ạcurakatʼ onkage ona reakʼ lek leka apeakʼ jionre jo udugpe. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe benao daṛeakoa.