Jirimiạ 7:30 - সান্তালী বাইবেল

³⁰ Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jirimiạ 7:30 Iomraidhean Croise

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Rapajko 21:7

Uni do oka Asera muṭhạne benao akatʼ tahẽkan ona do koejoṅ oṛakʼreye dohokeda. Niạ koejoṅ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń hoeocoya.

2 Rapajko 23:12

Raj oṛakʼ reakʼ chatre Ahas rajakʼ kandha ṭhen Jihudạren rapajko okako pinḍko benaoletʼ ar Probhu Isorakʼ oṛakʼ reakʼ banar racare Manase okako pinḍe benaoletʼ Josiạ do onako hõe rạputʼ gejerketʼte Kedron soḍokʼreye giḍikada.

2 Bõsbudạ 33:15

Uni do Probhu Isorakʼ oṛakʼ khon debotakoakʼ muṭhạnkoe oḍok giḍikatʼkoa. Uni do Jerusalemre ar Probhu Isorakʼ oṛakʼ reakʼ buru cetanre okako pinḍe benao ocoletʼ onako hõe oḍok keda. Ar nagraha bahreteye giḍikada.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

2 Bõsbudạ 33:7

Uni do okoe murtikoe lakʼ rokʼ ocoketʼko onko do Isorakʼ oṛakʼreye dohokatʼkoa. Niạ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń benaoa.

Jesaea 66:4

Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 23:11

Probhu Isore meneda, “Nạbi ar naeke do Isor bako botorae kana; ińakʼ oṛakʼre hõ onkoakʼ dusṭạmiń ńel akatʼtakoa.

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”