Jirimiạ 7:24 - সান্তালী বাইবেল

²⁴ Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Jirimiạ 7:24 Iomraidhean Croise

Nehemiạ 9:29

“Amakʼ ạn-ạri secʼ ruạṛ hijukʼ lạgitʼ onkom sontorletʼkoa menkhan onkoakʼ beohar do bạḍạite perecʼge tahẽkantakoa; onko do amakʼ sanam hukumko bebataoleda. Amakʼ okako hukum palonkate hoṛko bańcaokʼ ona upạrteko kạileda. Onko do hoṭokʼko keṭecʼ ketʼtakote amakʼ katha bako ańjomletʼa.

Sereńko 81:13

Hae, ińren hoṛko do eken iń tabereko tahẽlen khan, ar Israel do ińakʼ hortegeye taṛamle khan,

Jirimiạ 13:10

Noko bạṛicʼ jạtren hoṛko, okoe do ińakʼ katha ańjom bako moneyakʼkan ar onkoakʼ mon reakʼ kạṭhuạtetʼreko taṛametʼ ar eṭakʼ Isorko sewako arko ḍobokʼakokan onko do noa jhaṅga lekageko okạjwạ ocokʼa.

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 16:12

Menkhan ape do aperen hapṛamko khonhõ bạṛicʼpe coloneda. Ńelpe, ape mimitʼko do ińakʼ katha leka sen baṅkate apeakʼ bạṛicʼ mon reakʼ keṭecʼtetʼ iạte apeakʼ kusi lekape calakʼkana.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 18:12

Menkhan onko doko roṛ ruạṛkeda, ‘jãhãn labge bạnukʼa. Ale do aleakʼ bundisakʼko leka gele calakʼa; ale mimitʼko do aleakʼ bạṛicʼ mon reakʼ kạṭhuạtetʼ lekagele kạmiya.’ ”

Jirimiạ 2:27

Onko do kaṭko metakʼa, ‘amgem ińren ạpuń kana,’ ‘ar amgem ińren eṅgạń kana.’ Onko do iń secʼ khon deako ạcur akatʼtakoa mẽtʼãhã do baṅa; enhõ muhinre doko mena, ‘dela hijukʼme, ale bańcaoleme.”

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Jirimiạ 32:33

Onko do iń secʼko dea akada, mẽtʼãhã do baṅa; iń do aema dhao onkoń cetʼ akawatʼko tahẽkanre hõ enhõ onko do ińakʼ ḍanṭao bako aṅgocleda.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jirimiạ 9:14

Ona bodolte akoakʼ ontor reakʼ kạṭhuạtetʼ lekako senokʼkana. Ar akoren apatkoakʼ cecetʼakʼ leka onko hõ Bakʼal debotako pańjayede kana.

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.

Jeheskel 20:16

Onko do ińakʼ ạn-ạriko nihạ̃t giḍiakada ar ińakʼ niạmko bạgi giḍiakada ar iń emakʼ jirạukʼ mãhãko reakʼ sonottetʼ do bako rukhiyạ akada, ente onkoakʼ ontor do boṅgako secʼge orokʼ kan tahẽkantakoa.

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Daniel 9:6

Aleren rajko, mukhiyạko, hapṛamko ar disạmren sanam hoṛko ṭhen amren guti nạbiko do am emakʼ oka kathako menakatʼ ona do ale bale ańjomleda.

Hosea 10:6

Ona do Ạsurte idi ocoakana ar maharajakʼ khajna lekate emakana. Ona iạte Ephrayim do bae manot ocokʼa, ar Israel do acʼakʼ goṭawakʼ lạgitʼe lajao ocokʼa.

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Dosar Biboron 29:19

Ar noa kiriạ reakʼ kathako ańjom jokhecʼ okoe hoṛ do mone monete bhạganicʼ menteye hudisokʼ ar mone monteye men, apnarakʼ sana leka senlenre hõ nirạiteye tahena, enḍekhan ape sanamko cetanre uni do sorbonase paṛao ocoya.