Jirimiạ 7:21 - সান্তালী বাইবেল

²¹ Israelren phạdkoren Probhu Isore meneda, “Apeakʼ eṭakʼ samaṅokʼakʼ sãote jeredokʼ samaṅokʼakʼ samaṅkate ona reakʼ jel do cedakʼ bape jomeda?

Jirimiạ 7:21 Iomraidhean Croise

Sereńko 50:8

Janwar dãṛẽ iạte do bạń dusiyetʼmea; amakʼ jeredokʼ samaṅokʼakʼ ma coṅ jaoge iń samaṅre menakʼtam.

Jesaea 43:23

Jeredokʼ samaṅokʼakʼ lạgitʼ iń ṭhen bhiḍi hõ bam ạguakatʼkoa ar amakʼ jãhãnakʼ samaṅokʼakʼ hotete iń do bam manot akadińạ. Iń do am cetanre anaj samaṅokʼakʼ bhar do bạń em akatʼmea; ar kundurukote hõ bạń laṅga ocoakatʼmea.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Dosar Biboron 12:27

Aperen Probhu Isorakʼ pinḍ cetanre apeakʼ jeredokʼ samaṅokʼakʼ reakʼ jel ar mãyãmpe samaṅa. Aperen Probhu Isorakʼ pinḍre aperen samaṅicʼ janwarakʼ mãyãmpe dula, menkhan uniyakʼ jel dope jom daṛeakʼa.