Jirimiạ 7:20 - সান্তালী বাইবেল

²⁰ Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jirimiạ 7:20 Iomraidhean Croise

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jirimiạ 11:16

Probhu Isor do noko jạtrenko jote perecʼ mońj mitʼṭen jạitun dare menteye hohoatʼko tahẽkana. Menkhan maraṅ birbão reakʼ saḍe iạte uni do onare seṅgele lagaoakʼa ar onate onako reakʼ ḍạrko do lo ṭhuṭkudokʼa.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 14:16

Okoe nạbi do onko ṭhen nạbi lekate kathako roṛetʼkan onkoakʼ mạ̃ṛĩ do lạṛhại ar akalte Jerusalem reakʼ kulhikore giḍi ocokʼa. Unre onko se onkoren bạhuko ar gidrạko topako lạgitʼ okoehõ bako tahena. Onkoakʼ kuṛại do onko cetanregeń upʼakoa.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Jirimiạ 18:23

Menkhan E Probhu Isor, iń gojeń lạgitʼ noako soṛojontro reakʼ katha dom baḍaegea. Onkoakʼ noa behok do alom ikạitakoa se amakʼ mẽtʼãhã samaṅ khon onkoakʼ kại do alom meṭaotakoa. Onko do samaṅregeko tohotʼ gurokʼma; ar amem edrekokʼ jokhecʼge halawakome.

Jirimiạ 21:12

‘E Dạud bõsrenko, Iń Probhu Isorgeń meneda, ape do din hilokʼ setakʼ jokhecʼ hok reakʼ bicạrtakope. Luṭ ocoakanicʼ do uniren sasantaoicʼ khonpe rukhiyạyea; ar baṅkhan apeakʼ bạṛicʼ kạmiko khạṭirte ińakʼ edre do seṅgel leka oḍokokʼte jolokʼa, ona do okoehõ bako ĩṛĩcʼ daṛeakʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 44:6

Onatege ińakʼ jolokʼkan edre doń dulletʼ tahẽkana; ona do Jihudạkoakʼ nagrahare ar Jerusalem reakʼ ḍaharkore jol rakapʼlena ar onate onako do teheń ujạṛakʼ ar dhaṅ dhaserakʼ hoyakana.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jirimiạ 6:12

Okoe disạmreko girobasokʼkan onko upạrte tinre sạjại reakʼ tiyiń rakaba unre eṭakʼkoakʼ tite onkoakʼ oṛakʼ-duạrko, khet baṛgeko ar onkoren era uruko hõko jimạkoa.

Jirimiạ 8:13

Probhu Isore meneda, “Iń do onkoń maraokoa. Darkha nạ̃ṛĩre jãhãn joge baṅ tahena, loa darere loa hõ baṅ tahena ar onako reakʼ sakam do tolmojokʼa. Ar okań em akawatʼko ona hõ onko khon sahaṛ akan tahena.”

Rak̕joṅ 4:11

Probhu Isor do purạte acʼakʼ edreye oḍok akada; uniyakʼ jolokʼkan edre doe dul buhạu akada. Uni do Sionre seṅgele jolakada; ar ona reakʼ rehetʼko hõe jomakada.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”

Jeheskel 7:12

Okte do hoyena, din hõ seṭerena. Onate jumi kirińetʼkan hoṛ do aloko rạskạkʼma ar ạkhrińetʼko hõ aloko dukokʼ ma, ente onko sanamko cetanre edre do seṭerakana.

Jeheskel 7:14

Hoṛko do sakwa oroṅkate sanamakʼko sapṛao dohoakada, menkhan lạṛhại lạgitʼ do celege bako oḍok calakʼkana, ente ińakʼ jaljalao edre do disạmren sanam hoṛko cetanre menakʼa.

Daniel 9:11

Israelko jotoge amakʼ hukumko bebatao akada ar amakʼ hor khonko ghańgeṛ akana; onko do amakʼ katha bako ańjomleda. Ona iạte amren guti Moseyakʼ ạn-ạrikore olakʼ okaṭakʼ sarap reakʼ katha kiriạkatem roṛletʼ ona do ale cetanrege upʼ akana, ente ale do am upạrtele kại akada.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Sephaniạ 1:2

Probhu Isore meneda, “Iń do dhạrti khon sanamakʼ iń marao utạra.

Sephaniạ 1:3

Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.

Sakariạ 7:12

Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.