Jirimiạ 7:14 - সান্তালী বাইবেল

¹⁴ Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jirimiạ 7:14 Iomraidhean Croise

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

2 Bõsbudạ 7:21

Niạ koejoṅ oṛakʼ do ńitokʼ nunạkʼ maraṅakʼ hoyakanre hõ unre okoe noa aṛeteko parom senokʼ onko do comkao godokʼteko kuliya, ‘Probhu Isor do cedakʼ niạ disạm ar niạ koejoṅ oṛakʼ cetanreye onkakeda?”

Sereńko 78:60

Siloamre acʼakʼ okaṭakʼ kumbạ oṛakʼ tahẽkan onae bạgi oṭowada; noa do ona tạmbu kana one okaṭakʼ do manwa talareye benaoletʼ.

Jesaea 64:11

Aleren hapṛamko okare amko sarhaoetʼme tahẽkan aleakʼ ona sonot ar ṭhonokanakʼ koejoṅ oṛakʼ do seṅgelte ḍahao marao akana ar amem kusiyakʼkan tahẽkanakʼko do jarkhar akana.

Jirimiạ 12:7

“Iń do amren hoṛkoń aṛakʼ giḍi akatʼkoa ar ińakʼ sompotti Israel doń bạgi akadea; ar okoeyiń dulạṛede uni do acʼren bạirikoakʼ tireń soprot akadea.

Jirimiạ 23:39

enḍekhan khạṭigiń uṭhạupea ar iń samaṅ khoniń giḍikapea ar okaṭakʼ nagraha do ape ar aperen hapṛamkoń ematʼko tahẽkan ona nagraha hõ iń samaṅ khoniń lebda giḍikakʼa.

Jirimiạ 26:18

“Jihudạren Hiskiạ raj oktere Moresetren Mikạ do nạbi lekate kathae roṛetʼ tahẽkana. Uni do Jihudạren hoṛkoe metatʼko tahẽkana, ‘phạdkoren Probhu Isore meneda, Sion do khet baṛge lekae cas ocokʼa, Jerusalem do dhaṅ dhaserakʼ ḍhipi leka hoyokʼa ar koejoṅ oṛakʼ reakʼ buru do jhạuạkote dapal esedokʼa.’

Jirimiạ 26:4

Am do noa katham jạhirakoa, Probhu Isore meneda, ‘unạkʼ din ińakʼ katha do bape ańjomleda ar ape samaṅre okaṭakʼ ạn-ạriń dohoakatʼ ona hõ bape manao akada;

Jirimiạ 7:10

Ar ona tayom do ińakʼ oṛakʼre hecʼkate iń samaṅre teṅgokatepe meneda, ale dole rukhiyạle ńamkeda. Apepe onkayeda jemon bạṛicʼ kạmikope kạmi daṛeakʼ.

Jirimiạ 7:12

“Ape do ńitokʼ Silore one ińakʼ tahen oṛakʼ okare pạhilteń hoyocoletʼ onḍe calakʼpe ar ińren hoṛ Israelkoakʼ bạṛicʼakʼ khạtirte onare cetʼ iń cekaletʼ ona ńel ạguiype.

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Jeheskel 23:31

Am do amren boeham kuṛiyakʼ hortegem sen akana; onate uniyakʼ bạṭi do amakʼ tireń calam kana.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 28:52

Onko do apeakʼ ato ar nagrahako gherao ạcurtapea, ar sesre oka usul ar keṭecʼ pạcri bhitko cetanrepe bhorsakʼkan ona hõ lạnduṛokʼtapea. Ar aperen Probhu Isor okaṭakʼ disạme emape lạgidokʼkan ona disạm reakʼ mitʼke mitʼ ato ar nagrahako gherao ạcurtapea.