Jirimiạ 7:10 - সান্তালী বাইবেল

¹⁰ Ar ona tayom do ińakʼ oṛakʼre hecʼkate iń samaṅre teṅgokatepe meneda, ale dole rukhiyạle ńamkeda. Apepe onkayeda jemon bạṛicʼ kạmikope kạmi daṛeakʼ.

Jirimiạ 7:10 Iomraidhean Croise

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

2 Rapajko 21:4

Okaṭakʼ oṛakʼ reaṅ Probhu Isore menletʼ, “Iń do jaejug hạbicʼ Jerusalemreń tahena,” Probhu Isorakʼ ona oṛakʼre uni do pinḍkoe benaokeda.

2 Bõsbudạ 33:4

Okaṭakʼ oṛakʼ reaṅ Probhu Isore menletʼ, “Iń do jaejug Jerusalemren tahena,” Probhu Isorakʼ ona oṛakʼre uni do pinḍkoe benaokeda.

2 Bõsbudạ 33:7

Uni do okoe murtikoe lakʼ rokʼ ocoketʼko onko do Isorakʼ oṛakʼreye dohokatʼkoa. Niạ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń benaoa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jirimiạ 34:15

Thoṛa dinge hoyakana ape do monpe ạcur akatʼtapea ar ińakʼ mẽtʼre oka ṭhikakʼ kan, metakʼme ape sanamkoge aperen Ibri boehako aṛakʼko reakʼpe lại sodor akada. Ar ape do ińakʼ oṛakʼre iń samaṅre ińakʼ niạmko manao lạgitʼpe rebenlena.

Jirimiạ 44:9

Jihudạ disạm ar Jerusalem reakʼ ḍaharkore aperen hapṛamkoakʼ, Jihudạren rapajko ar rạnikoakʼ, ape ar aperen bạhukoakʼ dusṭạmi reakʼ katha do cetʼpe hiṛińkeda?

Jirimiạ 7:11

Ińakʼ oṛakʼ do cetʼ ape ṭhen ḍạkukoakʼ dander hoyakana? Iń Probhu Isorgeń meneda, iń do noakoń ńeletʼgea.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Jeheskel 23:29

Onko do amko hirkhạwama ar amem khaṭaolen reakʼ sanam jo do onkoko idiytama. Onko doko uluṅmea arko ekenti oṭokama. Unre amakʼ kusumbiteakʼ kạmi reakʼ lajaoakʼ do sodorokʼtama. Amakʼ laṭghaṭ kạmi ar kusumbigiri khạtirte noako do amre hijukʼa, ente am do jạt jạtrenko tulucʼ laṭghaṭ reakʼem kạmi akada, metakʼme onkoren boṅga murhutʼkotem bhonḍ akana.

Jeheskel 23:37

Unkin dokin laṭghaṭ akada ar ti do mãyãmtekin thoko boko akatʼtạkina. Boṅga murhutʼkin sewawako kante unkin dokin laṭghaṭ akada; ar iń lạgitʼkin janam akatʼko hopon ar hoponerako do boṅga murhutʼkoren jomakʼ lekate seṅgelrekin samaṅ akatʼkoa.

Jeheskel 23:39

Inạko dinrege unkin do ạkinren boṅgako ṭhen ạkinren hopon ar hoponerako kin teṅgen akatʼkoa ar ińakʼ oṛakʼte bolokatekin bhõnḍ akana. Unkin do ińakʼ oṛakʼrege noakin kạmi akada.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Hosea 6:9

Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.