Jirimiạ 6:7 - সান্তালী বাইবেল

⁷ Kuń reakʼ dakʼ cetʼleka tartạriạ tahen onkage uni do acʼakʼ dusṭạmiye tartạriạ ocoyeda. Ona bhitrire jorbojor ar jarkhar reakʼ saḍe ańjomokʼ kana; uniyakʼ rog ar ghạl do jaoge iń samaṅre menakʼa.

Jirimiạ 6:7 Iomraidhean Croise

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jesaea 57:20

Menkhan bedhoromko do kuṭlạ kuṭlikʼkan jalapuri lekanako; ente ona do thol baṅ tahẽdaṛeakʼa. Ar ona reakʼ dakʼko do losotʼ ar mạilạkoe heola rakaba.

Jesaea 59:6

Onkoakʼ bindi ganakʼte kicricʼ do baṅ hoyokʼa; ar okako horokʼetʼkan onate apnartetʼ hõ bako aḍ daṛeakʼa. Onko do joto kạmige bạṛicʼgetakoa, onkoakʼ tire do jor julumge menakʼa.

Jirimiạ 20:8

Iń do tinạkʼ dhao kathań roṛetʼkan unạkʼ dhaoge maraokʼ reakʼ kathageń porcaretʼ kana. Onate Probhu Isorakʼ katha iạte iń do goṭa dinge opoman ariń cigạri ocokʼkana.

Jirimiạ 30:12

Probhu Isore meneda, “Amakʼ ghao do baṅ besokʼtama, amem hạn akan reakʼ ran do bạnukʼa.

Jirimiạ 30:13

Am secʼ katha roroṛ hoṛ do okoehõ bạnukʼkoa, amakʼ ghao reakʼ ran do bạnukʼa, ar am do besokʼ reakʼ ashõ bạnukʼtama.

Jirimiạ 30:15

Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.

Jirimiạ 32:31

Oka hilokʼ noa nagraha benaolen enhilokʼ khon teheń hạbicʼ onage ińakʼ khĩs ar edre do nonkae rakapʼ ocoakada je, ińakʼ mẽtʼãhã samaṅ khon ona doń ocokʼ giḍikakʼa,

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jeheskel 21:29

E tarwaṛe onko do am reaṅ ạuṛi dorsonko ńeńelkanre hõ ar am reaṅ ạuṛiyakʼko guniyetʼkanre hõ okoeko gocʼ ocokʼ onko bedhorom bạṛicʼkoakʼ hoṭokʼ am dom giḍi ocokʼa; ente onkoakʼ din do hecʼ paṛao akana, onkoakʼ sạjại reakʼ okte do seṭer akana.

Jeheskel 24:7

Ente uniye joro ocoakatʼ mãyãm do ńithõ acʼ talarege menakʼa; uni do ona cenḍeń cạṭạnireye jorokeda, otre do bae joroleda dhuṛire ona dapalkakʼ lạgitʼ do.

Jeheskel 45:9

“ ‘E Israelren disạm cakʼlaoko, iń Probhu Isorgeń menetʼkana, ḍherge hoyakana. Ńitokʼ do jor julum ar santao bạgikate dhorom ar bhage reakʼ kạmipe. Ińren hoṛkoakʼ jaega apeakʼ dokholre ạgui do bạgipe.

Jeheskel 7:11

Santao reakʼ ṭheṅgatege bedhoromkoakʼ sạjại do emogokʼa. Onkoakʼ lekha do ḍhergere hõ celege bako tahena, onkoakʼ dhon-durib se ṭhonok cetʼge baṅ tahentakoa.

Jeheskel 7:23

“Sikṛi do ṭhik akaege menakʼa, ente disạmre mãyãm joro ocoete ar nagraha do santaote perecʼakana.

Sephaniạ 3:1

Hae uni sasantaoicʼ, huhulicʼ ar bhonḍicʼ nagraha do!