Jirimiạ 6:5 - সান্তালী বাইবেল

⁵ Onate ma beretʼpe, dela, ńindạge abo do jhãpbo ema ar uniyakʼ gaṛko bon mohor meṭaotaea.’ ”

Jirimiạ 6:5 Iomraidhean Croise

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Sereńko 48:3

Ona nagraha reakʼ raj dolanko do Isor acʼge gaṛ lekateye sodor akada.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Jirimiạ 52:7

Tayomte nagraha pạcri reakʼ mitʼ jaegareko bhugạkʼkeda. ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Hosea 8:14

Israelren hoṛ do akoren sisirjạuicʼ hiṛińkate maraṅ maraṅ oṛakʼko benaojoṅ kana; Ar Jihudạren hoṛko hõ pạcrite nagrahako esetʼ ạcurakada. Menkhan Iń do onkoakʼ nagrahako cetanre seṅgeliń kola ar ona do onkoakʼ sanam gaṛkoe jarkhartakoa.”

Amos 2:5

Ar onatege iń do Jihudạ cetanre seṅgeliń kola; ona do Jerusalem reakʼ gaṛkoe joma.”

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Sakariạ 11:1

E Lebanon, amakʼ duạrko jhicʼ dohokam, jemon seṅgel do amakʼ debdạru darekoe jom daṛeakʼ.