Jirimiạ 6:30 - সান্তালী বাইবেল

³⁰ Onko do nihạ̃t giḍiakan rupạ kanako, ente iń Probhu Isorge onko doe nihạ̃t giḍi akatʼkoa.”

Jirimiạ 6:30 Iomraidhean Croise

Hosea 9:17

Ińren Isor do onkoe nihạ̃t giḍi akatʼkoa, ente onko do uniyakʼ bako bataoletʼtaea; onko do eṭakʼ eṭakʼ jạtrenko talareko ạcur baṛaea.

Jesaea 1:22

Amakʼ rupạ do mạilạ akana; amakʼ bhage darkha rasare do dakʼ mesal akana.

Sereńko 119:119

Dhạrtiren sanam bạṛicʼ hoṛko do mạilạ lekam pharaketʼkoa, ar onatege iń do amakʼ sanam kathakoń dulạṛeda.

Jesaea 1:25

Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.

Romiko lạgitʼ Pạul Apostolakʼ ciṭhi 11:1

Adoń meneda, Isor do cetʼ acʼren hoṛkoe giḍisaeketʼ koa? Tisge baṅa. Ente iń hõ mitʼṭen Israel hoṛ kangeạń, Abraham bõsren ar Benjamin gusṭirenge.

Mathae 5:13

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lekge hoyokʼa.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Kạhtukko 25:4

Rupạ khon mạilạ chaṭao ocogme, enḍekhan sonhar do onate mońj bhajankoe benao daṛeakʼa.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Jirimiạ 7:1

Probhu Isor do Jirimiạ mundil reakʼ duạr ṭhen teṅgokate niạ khobor lại jạhir lạgitʼe metadea, Jihudạren okoeko hoṛ noa duạrte Probhu Isor sewawae lạgitʼko bolokʼ onko do jemon Probhu Isorakʼ kathako luturakʼ.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

Jirimiạ 23:33

Probhu Isor do ińe metadińạ, “Noko hoṛ se jãhãe nạbi se naekeko tinre amko kulimea, ‘Probhu Isorakʼ katha do cetʼ kana mente?’ Unre onkom lạiyakoa, Probhu Isore meneda, ‘ape do ińren bojhako kanape ar iń doń giḍikapegea.’