Jirimiạ 6:23 - সান্তালী বাইবেল

²³ Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Jirimiạ 6:23 Iomraidhean Croise

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jesaea 17:12

Hae, hae, jạt jạtrenkoakʼ hud hudạukʼ do ańjomokʼ kana! Ona do jalapuri reakʼ hud hudạukʼ lekage. Disạmrenkoakʼ hud hudạukʼge ańjomokʼ kana. Onko do ḍubạ dakʼ reakʼ hud hud saḍe lekageko andoṛeda.

Jesaea 19:4

Iń do mitʼṭen kurmutạha mạlikakʼ tire Misorrenkoń jimạkoa; mitʼṭen botoranicʼ raj do onko cetanre raje calaoa.” Ar noa kangea phạdkoren Probhu Isorakʼ katha do.

Jirimiạ 25:32

Phạdkoren Probhu Isore meneda, “Ńelme, mitʼ jạtrenko khon ar mitʼ jạtrenko cetanre muhin do pasnao akana; dhạrti reakʼ ses simạnako khon mitʼṭecʼ birbão hoe do rakapʼakana.”

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 4:16

Jạt jạtrenko ṭhen ar Jerusalemrenko ṭhen niạ katha jạhirpe, “Gherao ekʼsetʼ lạgitʼ lạṛhại phạdko do sạṅgiń disạm khonko hijukʼkana; onko do Jihudạ reakʼ nagrahako upạrte lạṛhại lạgitʼko hohoyetʼkana.

Jirimiạ 4:29

Aswari ar dhinkiạkoakʼ sabad ańjomte nagraharen sanam hoṛ doko dạṛ pạnḍuja. Adom hoṛ do gajaṛteko bolokʼa ar adom hoṛ do maraṅ maraṅ dhiriteko rakapʼa. Mitʼke mitʼ nagraha do ujạṛ akan tahẽna; onḍe do cele hoṛge bako girobasokʼa.

Jirimiạ 5:16

Onkoakʼ sar ṭhoṅga do jhicʼ akatʼ kobor leka; onko jotoge daṛean bir kanako.

Jirimiạ 50:41

“Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko ar aema rapajko udgạu ocokʼkana.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 6:4

Onkoko mena, ‘uni upạrte lạṛhại lạgitʼ sapṛaokʼpe. Ma beretʼpe, dela bo calakʼa, abo do tikin jokhecʼge jhãpbo ema. Menkhan hae, marsal do komao idikʼkana, ar ńut reakʼ umul do jhạl idikʼkana.

Jirimiạ 8:16

Dan nagraha khon bạirikoren sadomakʼ phurko ańjomokʼ kana; onkoren sadomkoakʼ hiṅhạukʼte goṭa disạm do thar tharokʼkana. Disạm ar ona reakʼ sanam nagraha ar onaren hoṛko maraoko lạgitʼko hijukʼkana.

Jeheskel 21:31

Ińakʼ edre do ape cetanreń dula ar ape upạrte ińakʼ khĩs reakʼ seṅgeliń oṅa. Ar nonkan kurmutạha hoṛkoakʼ tireń soprotpea okoe do makʼrao kạmireko gạkhuṛge.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.