Jirimiạ 6:2 - সান্তালী বাইবেল

² Napae ar lulubucuteye tahenkan Sionren kuṛi doń maraoea.

Jirimiạ 6:2 Iomraidhean Croise

Jesaea 1:8

Sion hoponera do nonkae bạgi giḍi ocoakana uni do darkha bagwanren pahradar oṛakʼ lekae hoyakana, uni do phosol goḍaren ḍera oṛakʼ ar bạiriko hotete gherao ạcurakatʼ mitʼṭecʼ nagraha lekageye hoyakana.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Rak̕joṅ 2:1

Hae, Probhu Isor do acʼakʼ edrete cetʼleka Sion hoponera do ńutreye danaṅ esetʼ akadea! Ar Israelakʼ ṭhonok do serma khon otreye giḍiakada. Acakʼ edrekʼ dinre uniyakʼ jaṅga dohoy reakʼ ṭhạ̃i do bae disạ dohoakada.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

Rak̕joṅ 4:5

Okoe bhage bhage jomakʼko jometʼ tahẽkan ńitokʼ onko do ṭonṭa iạte kulhireko lorao akana. Okoe do jeṅgetʼ arakʼakʼko horokʼetʼ tahẽkan onko do ńitokʼ torocʼ cetanreko giticʼ baṛaekana.

Dosar Biboron 28:56

Unre ape modre okoeṭakʼ maejiu do dulạṛteye hara akan are sukhi hoṛkan uni hõ acʼren dulạṛiạ jãwãetetʼ se hopon ar hoponerako cetanre jãhãnakʼ cetʼ mãyãge baṅ tahentaea. Hopon se hoponera janame tayom uni hopon se hoponera ar ona tayom hoṛmo khon oḍok akantae baha, okaṭakʼge onko do bae jom ocokoa. Ente aperen bạiriko tinre apeko gherao esetʼkapea ar kosṭoreko paṛao ocopea unre uni do apnarge acʼakʼ ona hoṛmo khon oḍokʼ akan baha ar hopon do hape hapeteye jomea.