Jirimiạ 6:16 - সান্তালী বাইবেল

¹⁶ Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Jirimiạ 6:16 Iomraidhean Croise

1 Rapajko 8:36

enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Jesaea 28:12

Uni do onkoe metatʼko tahẽkana, “Niạ kangea ona jirạukʼ jaega do, laṅga akan hoṛ do nonḍegeko jirạu joṅma. Ńelpe, ona kangea aosan jaega do.” Menkhan onko do ona bako ańjomleda.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Jesaea 57:2

Okoe sojhe horteko calakʼkan onko do sulukko ńama; onko do gujukʼ hotete jirạuko ńama.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 18:12

Menkhan onko doko roṛ ruạṛkeda, ‘jãhãn labge bạnukʼa. Ale do aleakʼ bundisakʼko leka gele calakʼa; ale mimitʼko do aleakʼ bạṛicʼ mon reakʼ kạṭhuạtetʼ lekagele kạmiya.’ ”

Jirimiạ 18:15

Menkhan ińren hoṛ do iń hiṛińkate ạuṛiyakʼren boṅga ṭhen dhupko jeretʼeda. Onko do akoakʼ ḍaharreko tohotʼ gurakana. Ar iń sabeń lạgitʼ khạyũkʼko la akada, ona sedae reakʼ soṛok korege. Onko do bhage hor bạgikate bạṛicʼ secʼko ghańjeṛ akana.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jirimiạ 31:21

“Ape do hor horte; udukʼakʼ cinhạko dohoype ar khunṭiko bạisạupe. Ar oka hortem senlen ona hor reakʼ katha disạime. E kũạri Israel, dela ruạṛ hijukʼme, amakʼ goṭa nagrahawante ruạṛ hijukʼme.

Jirimiạ 42:3

Amren Probhu Isor ṭhen koeme jemon aleye lạiyale ńitokʼ cetʼle cekaea ar okatele calakʼa.”

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Jirimiạ 7:3

Israelren Isor phạdkoren Probhu Isor doe meneda, “Ape do apeakʼ colon beohar ar kạmiko sudhrạutape enḍekhan niạ ṭhạ̃iregeń girobas ocopea.

Malaki 4:4

“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Luk 16:29

“Menkhan Abrahame menkeda, ‘Mose ar nạbikoakʼ puthi ma coṅ menakʼge. Onko do onkoakʼ kathako luturakʼ ma.’

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 13:17

Noako baḍaekate onako lekape kạmile khan enḍekhan ape dope bhạgangea.

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Romiko lạgitʼ Pạul Apostolakʼ ciṭhi 4:12

Ona chaḍa, khatnakʼ lahare Abraham do cetʼleka biswạs reakʼ horreye taṛametʼ tahẽkan, onkage khatna akan okoeko calakʼkan onkoren hõ Abraham doe baba kana.

Dosar Biboron 32:7

“Sedaeakʼ ona dinko reakʼ katha disạipe; aperen ḍher din laharen hapṛamkoakʼ kathako baṛe hudispe. Onako din reakʼ kathako aperen apatko ṭhen kulijoṅpe, onko do apeko lạiyapea; ar haṛam hoṛko kulikope, onko do apeko bujhạuapea.

Kolossiko lạgitʼ Pạul Apostolakʼ ciṭhi 2:6

Ape cetʼleka Jisu Mạsi do Probhu Isor mentepe ataṅakade onkage uni tulucʼ mitʼ tahente jion khemaope.

Ibriko 11:2

Biswạs iạtege aboren hapṛamko do Isorakʼ sarhaoko ńamleda.

Ibriko 6:12

Kuṛhiạpe tahen do bale khojkana; alele khojkana, okoe pạtiạu ar soborite Isorakʼ gokʼakʼ reakʼ bhorko ạidạri joṅkan, ape hõ onko leka hoyokʼpe.

Bikʼcạrko 2:17

Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.