Jirimiạ 6:13 - সান্তালী বাইবেল

¹³ “Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 6:13 Iomraidhean Croise

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 17:11

“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Jirimiạ 2:29

Probhu Isore meneda, “Cedakʼpe dusiyedeń kana? Ape sanamkoge coṅ iń upạrtepe hul akatʼ.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 23:11

Probhu Isore meneda, “Nạbi ar naeke do Isor bako botorae kana; ińakʼ oṛakʼre hõ onkoakʼ dusṭạmiń ńel akatʼtakoa.

Jirimiạ 27:15

Probhu Isore meneda, ‘iń do onko bạń kol akatʼkoa. Onko do iń ńutumte eṛeyakʼko nạbiyeda. Ona iạte ape ṭhen okoeko nạbiyetʼ onko nạbi doń sạṅgińkoa ar ape sanamkogepe marao utạrokʼa.’ ”

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Jirimiạ 42:1

Ona tayom lạṛhại phạdkoren sanam subedarko, Karea hopon Johanan ar Hosaya hopon Jasniạ ar sanam hoṛko do Jirimiạ nạbi ṭhen hecʼkateko menkeda, “Dayakate aleakʼ nehõr baṛe ańjomtaleme ar noko sarecʼ hoṛko lạgitʼ amren Probhu Isor ṭhen koeme. Am do ńitem ńeletʼkangea mitʼ okte ale do ḍhergele tahẽkana ar ńitokʼ do eken thoṛa hoṛge sarecʼ menakʼlea.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.