Jirimiạ 52:9 - সান্তালী বাইবেল

⁹ Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.

Jirimiạ 52:9 Iomraidhean Croise

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

2 Rapajko 23:33

Pharao Neko do pon ṭon rupạ ar pegel are keji sona khajna lekate Jihudạ disạm cetanreye ladeatʼkoa.

2 Rapajko 25:6

Onko do uniko bondikedea ar Riblate Babelren raj ṭhenko idikedea. Onḍe uni upạrte sạjại reakʼ hukum hoyena.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

2 Bõsbudạ 8:3

Ona tayom Solomon do Homat-Sobatre senkate onae dokholkeda.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jirimiạ 39:5

Menkhan Babelren lạṛhại phạdko do onkoko khudạu idiketʼkote Jerikho reakʼ bilạn ṭạnḍire Sedekiạko sapʼ tiyokʼkedea. Arko sapʼkede khan Hamat disạm reakʼ Riblare Babelren raj Nebukadnesar ṭhenko idikedea. Ar Nebukadnesar raj do uni sạjạiye reakʼe hukumkeda.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jeheskel 11:10

Ape do lạṛhạirepe gujukʼa; ar Israelakʼ simạnare sanamkoń sạjạipea. Unrepe baḍae daṛeakʼa ińkangeạń Probhu Isor do.

Jeheskel 23:24

Onko do utạr khon khanḍa bhanḍawante, rãt gạḍikote, sagaṛ gạḍikote ar mitʼ maraṅ phạdante am upạrteko hijukʼa. Onko do maran ar huḍiń ḍhalante bohokʼ aḍokʼ reakʼ ṭupri horokʼkate amko gherao esetʼmea. Ar iń do onkoakʼ tireń soprotmea ar akoakʼ niạm lekako sạjạimea.

Numeri 13:21

Unre onko do senkate Sin hahaṅkar khon ehopʼkate Hamat secʼ Rehob hạbicʼ disạmko ńelkeda.

Numeri 34:11

Noa simạna dag do Sepham khon Enan secʼte Ribla hạbicʼ pheḍ hijukʼa ar Kenerot doreão reakʼ jaegako secʼte calao idikʼa.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.