Jirimiạ 52:7 - সান্তালী বাইবেল

⁷ Tayomte nagraha pạcri reakʼ mitʼ jaegareko bhugạkʼkeda. ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Jirimiạ 52:7 Iomraidhean Croise

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 39:2

Sedekiạ rajakʼ rajokʼ gelmitʼ bochor ponakʼ cando reakʼ areakʼ dinre nagraha pạcri reakʼ mitʼ jaegare bhugạkʼ hoyena .

Jirimiạ 49:26

Iń phạdkoren Probhu Isorgeń meneda, uniren juạnko do khạṭige nagraha reakʼ kulhikore ar dobạṭiạkoreko gujukʼa; enhilokʼ uniren sanam lạṛhại phạdko doko marao utạrokʼa.

Jirimiạ 51:32

uniyakʼ gaḍa paromokʼ ghaṭko hõ dokhol akana, pạṭiol birre seṅgelko lagao akada ar lạṛhại phạdko do ạḍi botor caṛhao akatʼkoa.”

Jirimiạ 6:5

Onate ma beretʼpe, dela, ńindạge abo do jhãpbo ema ar uniyakʼ gaṛko bon mohor meṭaotaea.’ ”

Jeheskel 12:12

“Onko talaren disạm cakʼlaoyicʼ do ńutre acʼakʼ jinisko tarenre ladekateye oḍokokʼa ar pạcri bhit do kholao bhugạgokʼa jemon ona talateye oḍok hecʼ daṛeakʼ. Uni do acʼakʼ mẽtʼe betʼ esetʼtaea jemon acʼakʼ disạm reakʼ ot bae ńelńam.

Jeheskel 12:4

Sạṅgińte bondi idi ocokʼ lạgitʼ amakʼ samṭaoakʼ jinisko do siń marsalrege onkoakʼ mẽtʼãhã samaṅtegem oḍok idiya. Ona tayom ạyupʼ jokhecʼ sạṅgińte bondi idi ocokʼ leka onkoakʼ mẽtʼãhã samaṅtem oḍokokʼa.

Jeheskel 33:21

Bondi dosa reakʼ gelbar bochor reakʼ gelakʼ cando reakʼ mõṛẽakʼ dinre mitʼṭen hoṛ do Jerusalem khone ńir paskaoente iń ṭhen hecʼenteye menkeda, “Bạiriko do nagrahako dokhol akada.”

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Levitikus 26:36

Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

Amos 4:3

Ape mimitʼko do lạnduṛakan bhit secʼtegepe or oḍok ocokʼa ar Hermon secʼpe giḍi ocokʼa. Iń Probhu Isorge noa katha doń menetʼkana.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?