Jirimiạ 52:4 - সান্তালী বাইবেল

⁴ Ona iạte uniyakʼ rajokʼ areakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Onko do nagraha bahrereko ḍerayena ar nagraha beṛhaete pinḍhạkoe benaokeda.

Jirimiạ 52:4 Iomraidhean Croise

Jesaea 29:3

Iń do am beṛhaete ar am upạrteń chạunikʼa; gaṛiń benaoa ariń gherao ạcurmea, ar am upạrte buruńjkoń benaoa.

Jirimiạ 21:2

“Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jirimiạ 39:1

Jerusalem do nonka leka dokhol hoylena. Jihudạren Sedekiạwakʼ rajokʼ areakʼ bochor reakʼ gelakʼ candore Babelren raj Nebukadnesar do acʼren sanam lạṛhại phạdkoante Jerusalem upạrte hecʼkate nagrahae gherao esetʼkeda.

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 52:7

Tayomte nagraha pạcri reakʼ mitʼ jaegareko bhugạkʼkeda. ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Jeheskel 21:27

Dhaṅdhaser, dhaṅdhaser! Iń do noa jotogeń dhaṅdhasera! Ar sạriyakʼ reakʼ ạidạri okoeyakʼ menakʼtae uni ạuriye ruạṛ hijukʼ hạbicʼ noako do ar baṅ tahena. Iń do unige noakoń emaea.

Jeheskel 26:8

Uni do lạṛhạikate amakʼ atokoe marao giḍikakʼa. Uni do am upạrte mitʼṭecʼ usul pinḍhại upʼ rakaba ar amakʼ pạcri bhit sãote bhiṛạu akatʼ mitʼṭecʼ daṛaṅ pinḍhại benaoa; ar apnar rukhiyạkʼ lạgitʼ ḍhalko reakʼ chate teṅgoea.

Jeheskel 33:21

Bondi dosa reakʼ gelbar bochor reakʼ gelakʼ cando reakʼ mõṛẽakʼ dinre mitʼṭen hoṛ do Jerusalem khone ńir paskaoente iń ṭhen hecʼenteye menkeda, “Bạiriko do nagrahako dokhol akada.”

Jeheskel 40:1

Bondi dosa reakʼ bargel mõṛẽ bochor reakʼ etohopʼre, cando reakʼ gelakʼ dinre, Jerusalem nagraha ńurokʼ gelpon bochor tayom Probhu Isorakʼ ti do iń cetanre tahẽkana.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Sakariạ 8:19

“Ponakʼ, mõṛẽakʼ, eaeakʼ ar gelakʼ cando reakʼ upạs do Jihudiko lạgitʼ rạskạteakʼ, kusiyakʼ ar bhạlạiyanakʼ porobge hoyokʼa. Onate ape do sạriyakʼ ar sulukge dulạṛpe.

Luk 19:43

Nonkan okte hijukʼkana amren bạiri do am upạrteko teṅgona arko gherao ạcurmea ar sanam secʼ khonko cipạmea.

Luk 21:20

“Tinre Jerusalem do palṭonko hotete esetʼ ạcurakatʼpe ńela unre bujhạupe, Jerusalem dhaṅ dhaserokʼ din do sorakana mente.