Jirimiạ 51:8 - সান্তালী বাইবেল

⁸ Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.

Jirimiạ 51:8 Iomraidhean Croise

Jesaea 21:9

Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jirimiạ 46:11

“E kũạri kuṛi Misor, am do Gileadte rakapʼ calakʼme ar haso reakʼ ran sunum ạgujoṅme. Am do ạuṛiyakʼge ạḍi lekan rankom lagao joṅkana; am do bam bogekʼa.

Jirimiạ 48:20

Moab doe lajao ocoakana, ente uni doe talga tạuạkʼ ocoakana. Ape do rakʼjoṅpe ar homor halaṅpe. Ar Arnon gaḍa aṛere noa porcarpe, Moab do jarkhar akana.

Jirimiạ 48:31

Onate iń do Moab lạgitʼ iń homor halaṅa, goṭa Moab lạgitʼ iń raga, Kir-Heresren hoṛko lạgitʼ doń hae haeyokʼa.

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 51:41

“Sesak, metakʼme Babel do cetʼ leka dokholokʼa! Goṭa dhạrtiren sarhaoańicʼren hopon hõ cetʼ lekae ạidạri ocokʼa! Babel ńelte jạtrenko doko torasokʼa.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jeheskel 30:2

“E manwa hopon, am do noa nạbi katha roṛme, Probhu Isore menetʼkana, ‘enhilokʼ lạgitʼ jare jarekʼpe.

Daniel 5:24

Ona iạte uni do ona ti kolkate noa kathae ol akada.

Daniel 5:31

Ar Madae Darjawes do turuigel bar bochor umerre rajosṭi reakʼ bhare hataokeda.

Nạhum 3:19

Jãhãnakʼ cetʼtege amakʼ ghao do baṅ bogekʼkana; ente amakʼ ghạl do maraṅgea. Okoe amakʼ khoborko ańjomakatʼ onko mimitʼko do amakʼ ńutumte tiko thayoyeda, ente amakʼ bin mucạtʼ dusṭạmire do okoe hale bae paṛao akana?

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,