Jirimiạ 51:51 - সান্তালী বাইবেল

⁵¹ “Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’

Jirimiạ 51:51 Iomraidhean Croise

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 71:13

Iń upạrtenko do lajao arko maraokʼma; ar okoe muhinre paṛaoiń lạgitʼko kurumuṭukan onko do hirkhạ ar opomanteko danaṅ esedokʼ ma.

Sereńko 79:1

E Isor, eṭakʼ jạtrenko do amakʼ sompottiko hat akada, ar onko do onḍeko bolo akana; amakʼ sonot oṛakʼko bhõnḍ akada; ar Jerusalem do maraokʼ reakʼ dhiri puńjirko hoyoco akada.

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Sereńko 89:46

E Probhu Isor, ar tinạkʼ din? Jaejugge cetʼ am do okogem tahena? Ar tinạkʼ din amakʼ edre do seṅgel lekam jol ocoytama?

Jesaea 13:1

Amosren hopon Jesaea do Babel reaṅ dorsone ńamleda.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 14:3

Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 25:26

sor ar sạṅgińren mitʼke mitʼ utạrren sanam rapajko. Metakʼme, dhạrtiren sanam jạtrenko onań ńũ ocoketʼkoa. Onko sanamko tayom do Sesakren, metakʼme Babelren raj hõ onae ńũiya.

Jirimiạ 31:19

Iń do bạṛicʼ horte sen tayom kastaokateń ruạṛ hecʼena, bujhạu ńamkate koṛamiń ceṭakʼena. Iń do lajao ariń opoman ocoyena, ente ińakʼ juạn umer reakʼ kại iạtegeń opoman ocoyena.’

Jirimiạ 52:13

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Rak̕joṅ 5:1

E Probhu Isor, ale cetanre oka hoyakan ona baṛe disạime; ạribạndhime, ar aleakʼ henosta baṛe ńelme.

Jeheskel 36:30

Iń do dare reakʼ jo ar khet reakʼ phosolkoń baḍhao ocoytapea jemon akal khạtirte jạtrenko talare alope bemanot ocokʼ.

Jeheskel 7:18

Onko do gõṛẽ kicricʼko paṭhejoṅa ar botorteko thartharaokʼa. Onko do lajaoteko perejokʼa ar bohokʼ doko hoyo munḍrạ ocokʼa.

Jeheskel 9:7

Ona tayom Isor do onkoe metatʼkoa, “Gocʼ hoṛkote bakher raca perejpe ar mundil do bhonḍpe. Do calakʼpe, ar kạmipe.” Onate onko doko oḍokente nagrahate senkate hoṛ gogocʼko ehopʼena.

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.