Jirimiạ 51:5 - সান্তালী বাইবেল

⁵ Israel ar Jihudạ do phạdkoren Probhu Isor do bae bạgi akatʼkinạ, Israel do uni sonoticʼ samaṅre acʼakʼ disạmre ghạṭteye perecʼ akada.

Jirimiạ 51:5 Iomraidhean Croise

1 Rapajko 6:13

Ar Israelko talareń girobasokʼa ar ińren hoṛ Israelko do bạń bạgi giḍikoa.”

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Esra 9:9

Ale do golamko kanrehõle golam tahen oktere aleren Isor do bae bạgi giḍi akatʼlea. Paras raj samaṅre uni do pạtiạre beohar akada. Uni do aleye udgạuketʼlea jemon aleren Isorakʼ oṛakʼle benao aroe ar rạputʼ akan jaegako hõle jut ruạṛ. Uni do Jihudạ ar Jerusalemre nirạite tahen reakʼe bebosta akatʼlea.

Sereńko 94:14

Probhu Isor do tishõ acʼren hoṛko bae bạgi giḍiakoa; okoe doko acʼren bachaoko kan onko do bae giḍi sạṅgińkoa.

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 31:37

Coṭ serma reakʼakʼko soṅlen khan ar latarre dhạrti reakʼ rehetʼ sendra ńamlen khan enḍekhan Israelko okako cekakan onate onko do bạń bạsutakoa. Iń Probhu Isorge noa katha doń meneda.”

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Jirimiạ 51:19

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae, ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jeheskel 8:17

Uni do ińe metadińạ, “E manwa hopon, am do cetʼ noam ńelkeda? Onḍe Jihudạren hoṛko oka bạṛicʼakʼko kạmiakatʼ onako do cetat reakʼ hõ baṅkana? Onko do santao iạte disạmko perecʼ akada ar ińakʼ pitko caṛhao ocoakatʼtińạ. Ńelme, onko do cetʼ lekako henosta akadińạ.

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Hosea 2:1

“Ape do aperen boehape metakoa Ommi (metakʼme ‘ińren hoṛ’) ar aperen miserako do Ruhama (metakʼme ‘dayaren hoṛ).

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Hosea 4:1

E Israelko, ape do Probhu Isorakʼ katha ańjomtaepe, ente okoe disạmreko tahenkan onko upạrte Probhu Isor do mitʼṭecʼ mambla menakʼtaea. Ona do hoyokʼkana, disạmre pạtiạr ar asambheṛ dulạṛ do bạnukʼa ar Isor do okoehõ sạriyakʼ lekate bako baḍaeyede kana;

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Sakariạ 2:12

Sonot disạmre uniyakʼ sompotti lekate Probhu Isor do Jihudạ disạme ạidạrijoṅa ar Jerusalem do arhõe bachaojoṅa.

1 Samuel 12:22

Probhu Isor do acʼakʼ maraṅ ńutum iạte acʼren hoṛko tisge bae bạgi daṛeakoa, ente uni do acʼakʼ sanatege acʼren hoṛe hoyocoakatʼpea.