Biblia Todo Logo
Bìoball air-loidhne

- Sanasan -




Jirimiạ 51:44 - সান্তালী বাইবেল

44 Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Faic an caibideil Dèan lethbhreac




Jirimiạ 51:44
24 Iomraidhean Croise  

Nebukadnesar do Probhu Isorakʼ oṛakʼ khon jinisko idikate Babelre acʼakʼ mundilreye dohokada.


Ar okaṭakʼ dhon duribkoe utʼletʼ ona doe becʼ giḍikakʼa; Isor do uniyakʼ lacʼ khon onae oḍok giḍiya.


Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.


Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”


Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.


Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.


“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’


Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.


Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”


Nonkan okteko khạṭige hijukʼ kana iń do Babelren boṅga murhutʼkoń sạjạikoa; uniyakʼ goṭa disạmge lajaoakʼ hoyokʼa ar uniren gocʼ ocokʼ hoṛ do ona talareko gurokʼa.


Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”


Babel reakʼ moṭa pạcri rạputʼkate soman ocokʼa ar ona reakʼ usul phaṭok duạrko do seṅgelte ḍahao maraokʼa. Hoṛko do ạuṛiyakʼgeko laṅga ocokʼa, ar jạt jạtrenkoakʼ khaṭaokʼ reakʼ kuṛại do seṅgelte lo roṅgo cabakʼa.”


Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.


Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”


Nebukadnesar raj do dhạrtiren sanam jạtrenko, disạmrenko ar pạrsiren hoṛko ṭhen noa sombate kolkeda: Apeakʼ bhạlại hoyokʼtapema.


E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.


Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.


“Ona katha reakʼ mane do hoyena: MENE, metakʼme Isor do amakʼ rajosṭi reakʼ dinkoe lekha akada ar ona doe sạt akada.


Ar Madae Darjawes do turuigel bar bochor umerre rajosṭi reakʼ bhare hataokeda.


Lean sinn:

Sanasan


Sanasan