Jirimiạ 51:16 - সান্তালী বাইবেল

¹⁶ Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoeye oḍok ạguiyeda.

Jirimiạ 51:16 Iomraidhean Croise

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Jobakʼ 37:13

Manwa sạjại emako lạgitʼ se uniyakʼ dhạrtire dakʼ emakʼ lạgitʼ, se acʼakʼ dulạṛ udug lạgitʼ uni do jạṛi dakʼe emetʼ kana.

Jobakʼ 38:22

“Am do cetʼ him reakʼ murạirem bolo akana se arel reakʼ murạikom ńel akada?

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Sereńko 104:7

Menkhan onako dakʼ do amakʼ hukumte calaoena; ona do amakʼ huḍur reakʼ aṛaṅte ńir calaoena.

Sereńko 135:7

Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Sereńko 147:18

Acʼakʼ kathae koletʼte uni do arele leyeda; ar acʼakʼ hoeye hoe ocoyre dakʼe ạtu ocoyeda.

Sereńko 18:13

Probhu Isor do serma khone huḍurkeda; ar maraṅ daṛeyicʼ do arel ar seṅgel aṅgrakore acʼakʼ aṛaṅe ańjom ocokeda.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 68:33

Uni do sedaere rimil talate rãt gạḍiteye calakʼkan tahẽkana. Ańjompe, uni do murukteye meneda.

Sereńko 78:26

Uni do serma khon puruạ reakʼ hoeye hoyocokeda; uni do acʼakʼ daṛete dạkhin reakʼ hoeye ạyur ạgukeda.

Exodus 10:13

Unre Mose do Misor disạm cetanre acʼakʼ ṭheṅgae tulkeda; Ar Probhu Isor do ona disạm cetanre goṭa siń ar ńindạ purub reakʼ hoeye kolkeda. Ar setakʼ jokhecʼ ona purub reakʼ hoete jhake jhak pohokoe ạguketʼkoa.

Exodus 10:19

Ar onate Probhu Isor do hoeye ạcur ocokeda ar pạchim khon mitʼṭecʼ kajak hoeye ạguketʼte pohokoe oṭaṅ idiketʼkoa ar arakʼ jalapurireye khadlekatʼkoa. Onkate goṭa Misor disạmre ar mitʼṭen poho hõ bako tahẽlena.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Jeheskel 10:5

Kerubkoakʼ phạ̃kṛạ̃kʼ reakʼ saḍe do raca hạbicʼ ańjomokʼkan tahẽkana; ona saḍe do phạdkoren Probhu Isorakʼ roroṛkan aṛaṅ lekage tahẽkana.

Amos 9:7

Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Jona 1:4

Unre Probhu Isor do jalapurire mitʼṭecʼ tạpis hoeye kolkeda. Ona iạte nonka botoranakʼ birbão hoe rakapʼena, jahaj do rạpudokʼ leka hoyena.

Jona 4:8

Ar siń candoe rakapʼen khan Isor do purub reakʼ lolo hoeye rakapʼ ocokeda; onate setoṅ do Jonawakʼ bohokʼre paṛaoena, uni doe jhãeyena. Unre uni do gujukʼ lạgitʼe koeketʼteye menkeda, “Jiwetʼ tahen khon gujukʼge bhage tahẽkana.”