Jirimiạ 51:12 - সান্তালী বাইবেল

¹² Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

Jirimiạ 51:12 Iomraidhean Croise

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Jesaea 13:2

Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 50:25

Ińakʼ khanḍa bhanḍa reakʼ oṛakʼ jhicʼkate ińakʼ edre reakʼ khanḍa bhanḍakoń oḍok ạguiya, ente phạdkoren Probhu Isor do Babelrenko upạrte mitʼṭecʼ kạmi reakʼ menakʼtaea.

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.

Josuạ 8:14

Israelko ńelte Aeren raj do ạḍi setakʼre beretʼkate acʼren onko sãote lạṛhại lạgitʼ sanam hoṛkoante nagraha khone oḍokente Araba ṭạnḍire mitʼṭecʼ niṭ akatʼ jaegateye senena. Menkhan bae baḍae daṛeada nagraha tayom secʼre uni upạrte mitʼṭen lạṛhại phạd doko oko akana mente.