Jirimiạ 51:11 - সান্তালী বাইবেল

¹¹ Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jirimiạ 51:11 Iomraidhean Croise

1 Rapajko 11:14

Inạ tayom Probhu Isor do Solomon upạrte Edomren Hadad bạiri lekateye teṅgokedea. Uni do Edomren raj bõsreye janamlena.

1 Rapajko 11:23

Solomon upạrte Isor do ar mitʼṭen bạiriye teṅgokedea. Uni doe hoyokʼkana Elijadaren hopon Reson. Uni do acʼren kisạ̃ṛ Sebaren raj Hadadser ṭhen khone dạṛ akatʼ tahẽkana.

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

2 Bõsbudạ 36:22

Jirimiạ hotete roṛlen Probhu Isorakʼ katha purạukʼ lạgitʼ Parasren raj Koresakʼ rajokʼ pạhil bochorre Probhu Isor do Koresakʼ ontorre nonkan uskure danadea ona iạte uni do acʼakʼ sanam rajosṭire roṛte ar ol hotete noae lại sodorkeda:

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

Jesaea 10:26

Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 21:5

Onko do jomakʼko sajaoeda, ar pạṭiạko beleda arko jom-ńũiyeda. E mukhiyạko, ma beretʼpe, apeakʼ ḍhalko sunumakʼtape.

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 45:1

Probhu Isor do acʼren ojokʼ bachao akan hoṛ Kores reaṅe meneda, “Uni samaṅre boṅgan hoṛ jạtrenko jaṅga latarko ar rapajko reakʼ paṭheakʼ raṛaetako lạgitʼ iń do uniyakʼ jojomtiyiń sapʼ akatʼtaea. Iń do uni samaṅre silpińkoń jhija jemon duạrko siń alo tahen.”

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jirimiạ 25:25

Simri, Elam ar Madaeren sanam rapajko;

Jirimiạ 46:3

“Kạṭicʼ ar lạṭu ḍhalko benaokate lạṛhại lạgitʼ oḍok calakʼpe.

Jirimiạ 46:4

Sadomko sapṛaokope ar onkore dejokʼpe. Bohokʼ aḍokʼ reakʼ ṭupri horokʼkate ṭhạ̃ire senkate teṅgo thạrokʼpe. Apeakʼ borlomko lasertape. Ar lạṛhại reakʼ sajbaj horogpe.

Jirimiạ 46:9

E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jirimiạ 50:25

Ińakʼ khanḍa bhanḍa reakʼ oṛakʼ jhicʼkate ińakʼ edre reakʼ khanḍa bhanḍakoń oḍok ạguiya, ente phạdkoren Probhu Isor do Babelrenko upạrte mitʼṭecʼ kạmi reakʼ menakʼtaea.

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

Jirimiạ 50:45

Onate Probhu Isor do Babel upạrte okae goṭa akatʼ, ar Babelren hoṛko upạrte okae pontha akatʼ ona ańjompe. Palren kạṭicʼ hoponko hõko or idi ocokʼa; ar onkoakʼ kạmi khạtirtege ạtiń ṭạnḍi doe maraoa.

Jirimiạ 50:9

Iń do utạr reakʼ disạm khon maraṅ maraṅ jạtrenkoń jarwakoa ar onkoń buskukote Babel upạrteń ạgukoa. Onko do Babel upạrte lạṛhại phạdko sapṛaokoa ar onako ạidạrijoṅa. Onkoakʼ sar do gạkhuṛ birbão hoṛko leka baṅ ạuṛiyagokʼtakoa.

Jirimiạ 51:12

Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

Jirimiạ 51:24

Probhu Isore meneda, “Babel ar Baelre tahenko Sionre oka behokakʼko kạmiakatʼ onko do apeakʼ mẽtʼ samaṅrege kuṛạiyiń emakoa.”

Jirimiạ 51:35

Sionren hoṛko meneda, “Aleakʼ hoṛmo cetanre oka santao hoyakana ona do Babel cetanre hoyokʼma. Babelre okoeko girobasokʼ kan onko do aboakʼ mãyãm reakʼ dạyiko tahenma.”

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Joel 3:10

Apeakʼ nahel reakʼ phalkote do tarwaṛeko koṭecʼ benaojoṅpe ar kạidạkote do borlomge benaojoṅpe. Ar nijoran hoṛ doe menma, ‘iń doń daṛeangea.’

Joel 3:9

Ape do jạt jạtrenko talare niạ katha lại sodorpe; “Sonot lạṛhại lạgitʼ sapṛao akae tahenpe, ar daṛean hoṛko hoho ạgukope. Ar sanam lạṛhại phạdko do senkate jhãpko em ma.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Sakariạ 14:12

Ar jãhãn jạtrenko Jerusalem upạrteko lạṛhại khan Probhu Isor do onko jạtrenko mahamạriteye ńẽtʼkoa. Onko do teṅgo akaeko tahenrege onkoakʼ hoṛmo reakʼ jel do seakʼtakoa ar onkoakʼ mẽtʼ do mẽtʼ ṭhuyạ̃kʼre tahenrege seakʼa ar alaṅ hõ mocarege seakʼtakoa.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.