Jirimiạ 50:8 - সান্তালী বাইবেল

⁸ “E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

Jirimiạ 50:8 Iomraidhean Croise

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Kạhtukko 30:31

Kheńcerokʼkan sim sạnḍi, ar merom boda, ar acʼren porja laha lahateye calakʼkan raj.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.